كرات اللحم بصوص الحليب للشيف «غادة عاطف»
كرات اللحم بصوص الحليب من الأطباق الجديدة والمحببة تقدمها الشيف غادة عاطف.
المقادير:
500 جرام لحمة مفرومة
3 عدد فص ثوم مهروس
1 معلقة كبيرة بقدونس طازج (للتزيين)
1 عدد بصلة مفرومة
1 معلقة صغيرة كارى أصفر
1 معلقة صغيرة ملح (أو حسب الرغبة)
1 كوب كزبرة جافة مطحونة
¼ معلقة صغيرة شطة (أو حسب الرغبة)
¼ معلقة صغيرة فلفل اسود مطحون (أو حسب الرغبة)
مقادير صوص الحليب:
3 معلقة كبيرة زيت ذرة
1 عدد بصلة (مبشورة)
1 عدد فص ثوم (مفروم)
1 معلقة كبيرة دقيق
2 كوب زبادي
2 كوب مرق اللحم
الخطوات:
- فى بولة نضيف اللحم والبصل والثوم والكزبرة والملح والكاري والفلفل الأسود والشطة ونقلبهم جيدا ونعجنهم حتي نحصل على عجينة متماسكة.
- نشكل عجينة الكفتة على شكل كرات صغيرة ثم توضع الكرات فى الثلاجة لتتماسك.
- فى طاسة على النار نسخن زيت ونقلى كرات الكفتة على نار متوسطة حتي تتحول للون الذهبى مع التقليب من وقت للتانى.
- يُضاف الزبادي والمرق وتقلب المكونات باستمرار إلى أن يغلي الخليط مع استمرار التقليب لمدة 5 دقائق.
هنحضر صوص الحليب:
- فى حلة على النار نسخن الزيت ونقلب فيه البصل والثوم حتي تدبل ثم نضيف الدقيق مع الاستمرار فى التقليب
- نضيف الزبادى والمرقة ونستمر فى التقليب لمدة 5 دقائق بعد ما الخليط يغلى. وبكده يبقى جاهز للاستعمال
- نضيف كرات اللحم لصوص الحليب ونسيبها على النار حوالى 20 دقيقة
- نضيف الكفتة والصوص لطبق التقديم ونزينها بالبقدونس.. بالهنا والشفا.