أسهل طريقة لعمل الحلاوة الطحينية فى المنزل للشيف «غادة عاطف»

مع دخول المدارس تحتاج الأم إلى الأطعمة السريعة الغنية بالطاقة لإعداد سندويتشات الأطفال للمدرسة.. الشيف غادة عاطف قدمت أسهل طريقة لعمل الحلاوة الطحينية فى المنزل.


المكونات:
3 كوب طحينة
3 كوب حليب بودرة
2 كوب سكر بودرة
مكسرات حسب الرغبة

طريقة العمل:
1- فى إناء نضع الحليب البودرة مع السكر بودرة.
2- ونخلطهم مع بعض ونبدأ ننزل عليهم بالطحينة بالتدريج.
3- ونقلبهم بالمعلقة او بالمضرب السلك اليدوى هنلاقيها بقت زى حبات الرمل.
4- وننزل عليهم ببقية كمية الطحينة بردو بالتدريج مع التقليب لغاية ماتخلص هنلاقيها بدأت تبقى كتل نقلبهم سويا جيدا حتي تمتزج المكونات جيدا .
5- ونجمعها ونضعها فى علبة وعليها المكسرات ونحطها فى التلاجة لمدة يوم كامل حتي تتماسك.
6- نطلعها هتبقى جاهزة للاستعمال وبالنسبة لكمية السكر انتوا ممكن تزودوها حسب رغبتكم بالهنا والشفا.