عمرو الليثي للحكومة: «لموا نفسكو شوية عشان الصورة بقت وحشة أوي»

انتقد الإعلامي الدكتور عمرو الليثي، أداء وزراء حكومة المهندس شريف إسماعيل، قائلا إن «الحكومة وقعت في بعض.. والخناقات دبت بين الوزراء والمسئولين، والكل سابوا شغلهم واتفرغوا للخناقات اللي بينهم وبين وبعض.. والغريبة إن الدكتور شريف إسماعيل واقف يتفرج على تبادل الاتهامات والخلافات علي الشاشات والفضائيات والخطير في الموضوع إن كل مسئول من دول استغل علاقاته وادواته للدفاع عن نفسه وبهدلة الطرف الآخر».

وضرب الليثى مثالا في مقدمة حلقة برنامج واحد من الناس على شاشة "الحياة" بالدكتور أحمد زكي بدر وزير التنمية المحلية، حيث دخل في خلاف مع محمد عبد الظاهر، محافظ الإسكندرية السابق، "وفجأة لقينا اتهامات بالفساد وخلافات علي اراضي بتتوزع في الجرايد والفضائيات، وشوية ونشبت خلافات تانية بين وزير الاوقاف وشيخ الأزهر علي الخطبة المكتوبة واستخدم كل طرف أدواته وخرجت حملات تشهير وتشويه".

وتابع الليثي: «ايضًا خناقة محافظ البنك المركزي مع وزير التخطيط مرة ووزير المالية مرة تانية كوم تانية واهي بقت كلها خناقات في خناقات»

وذكر أن "الخطير في الموضوع أن الأمور بتزيد والشائعات بتنتشر وتلاقي اللي بيحول خلاف صغير في غرفة مغلقة الي خناقة والناس قاعدة مش فاهمة ايه اللي بيحصل وليه دا بيحصل وليه الحكومة ما تطلعش تعلن الحقيقة وتوضح للناس .. وبصراحة بقي طالما انكوا طلعتوا غسلكم اللي مش نظيف للناس يبقي من حقهم يفهموا ايه العبارة بالضبط"، على حد قوله.