خالد الصاوي يسترجع ذكرياته مع خالد صالح فى «الجزيرة 2»

نشر الفنان خالد الصاوي على صفحته الشخصية على موقع التواصل الاجتماعي"فيس بوك" صورة له تجمعه بالفنان الراحل خالد صلاح وفريق عمل فيلم "الجزيرة 2".

وعلق "الصاوي" على الصورة قائلا: "ألبوم ذكريات الفيسبوك زي النهارده من سنتين.. افتتاح الجزيرة 2 عقب وفاة خالد الله يرحمه مشاعري كانت متخبطة بين شديد الفرح والألم والتوتر.. فنمت في العرض الأول للفيلم شيء مستحيل طبعا والسقا يزغدني ومي مراتي تصرخ في ودني بس هامسة وانا.. بزداد غطيط! اولأني صعب عليا أشرح الحاجات الجوانية قوي لحظتها بالذات اللي بتوجع بجد بستسهل ساعات إني أضحي بجزء مني لحساب المكنون بالبلدي اعتذرت وتعللت بالسهر في الشغل والتوتر وكذا".

وأضاف: "أول ما شفت اسم خالد عالتتر قبل الفيلم تجسد في وداني صوته وهو بيؤدي دوره الملفت باللكنة اللي ذاكرها وباللحظة الساحرة لما دخل العزا على هند صبري وقرا قرآن! ثم كواليس الشغل وانا وهو والسقا كل ما نتقابل لازم 2 يشقطوا الثالث وبس، اللي خلف ما ماتش، وخالد الله يرحمه خلفته مثمرة - غير ذريته المباركة المشرفة له وللدكتورة حرمه الإنسانة الرائعة - خلفته في أدواره من مسرح الجامعة عبر مشوار الهواة والمسرح الحر ثم السينما والتليفزيون، وخلفته من أخلاق وإنسانيات عايشة في كل جمع مر به خالد".