ليلى علوى: 6 أكتوبر من أحلى أيام عمري

نشرت الفنانة ليلى علوى تعليقا لها عبر صفحتها على موقع التواصل الاجتماعى فيسبوك تروى فيه ذكرياتها مع حرب اكتوبر.

وقالت ليلى علوى: "6 أكتوبر، من أحلى أيام عمري اللي أذكرها في تاريخي وأنا صغيرة، 6 أكتوبر 1973 بقيت ببص للسما وأبص للناس وأقول إيه الفرحه دي إيه النصر ده، أخيرًا الطوب الأحمر اللي أدام بيوتنا هيتشال".

واضافت ليلى قائلة: "أنور السادات عمل حاجه عظيمة وحطم خط بارليف، كل العالم بيتكلم عن الجيش المصري وهزيمة إسرائيل، أد إيه اليوم ده من أهم أيام تاريخ مصر، والنهاردة نفسي الناس تحس اليوم ده أوي والجيش المصري والرئيس الراحل أنور السادات والشعب المصري وسوريا والسعودية وكل اللي وقفوا جنبنا خلونا نحقق إيه دلوقتي، يوم خلاني أرفع راسي دايما وأنا بره وإزاي كنت بشوف البلاد هناك بيتكلموا عننا إزاي وعن نصر أكتوبر".

واضافت: "نفسي ولادنا يقدروا اليوم ده كويس أوي ويفهموه و يتعلموا حب الوطن والأرض، أنت غالية أوي يا بلدي ومستقبلنا في أيديكم يا شباب، تحية للشهداء من الجيش والشرطة والشباب ويارب الوطن العربي يتحد وسوريا تحيا من جديد، تحيه لكل المصريين وربنا يثبت أقدامنا دايمًا ويرحمك يا سادات".