EN 
لاعب الأهلي السابق يكشف عن 7 أسباب تدفعه لتشجيع الزمالك
أكد هاني العقبي لاعب وسط فريق الأهلي السابق أنه سيشجع الزمالك ويسانده في مباراتيه أمام صن داونز الجنوب أفريقي في نهائي دوري أبطال أفريقيا، مشيرا إلى أنه يمتلك أسبابا تدفعه الى ذلك.
وكتب العقبي عبر حسابه على فيسبوك تصريحات يؤكد فيها مساندته للزمالك جاءت على النحو التالي :
هشجع الزمالك ليه ؟؟
١-بيلعب باسم مصر
٢-تشجيعي للزمالك لا يقلل من حبي وعشقي للنادي الاهلي
٣-لو عاوزين نعلم الناس الأخلاق يبقي تتمني الخير لغيرك مش ليك لوحدك
٤-انا مش عاوز ابقي بطل او بدور على منصب او على برنامج علشان أطلع اشتم في الزمالك فأكون بطلا قوميا في نظر الأهلاوية
٥-محتاجين فرحة تخرجنا من جو الكآبة والحزن والغم اللي بقينا عايشين فيه
٦- التعصب والهبل والهطل اللي عايشين فيه بسبب ان كل واحد بيقول نفسي نفسي أو انا وبس وده مش هيروح غير لما نتمنى الخير للناس كلها
٧- انا اتعلمت وتربيت في النادي الاهلي اني لا أغلط في حد او اشتم حد او اتمنى الشر لحد حتي لو هو عمل كده.
ارحمونا من التعصب ومن الكلام اللي بيأخر محدش قالك تشجع الفريق المنافس لكن في نفس الوقت متتمناش ليه الخسارة والفضيحة فرق كبير اني بحب الاهلي وبعشق الاهلي لكن في نفس الوقت مش بكره الزمالك او بتمني ليه الخسارة والهزيمة.
