EN 
رصد "صدى البلد" ضعف التأمين بمحيط سجن المستقبل بمدينة الإسماعيلية، على الرغم من وقوع حادث تهريب متهمين شديدي الخطورة، منذ أيام قليلة.
وشهد السجن، اليوم، الثلاثاء، ضعف إجراءات التأمين، ورصدت الكاميرا وجود عدد محدود من أفراد الحراسة وسيارة شرطية واحدة، وفتح جميع الطرق المؤدية له.
وطالب الأهالي وشهود العيان بالمنطقة السكنية المحيطة بالسجن، بنقله خارج مدينة المستقبل، واصفين ليلة الخميس الماضي، بالدامية، بعد سماع وابل من الأعيرة النارية وقضائهم الليل بأكمله في حالة من الذعر بسبب الحادث.
وتقول أمينة محمد، ربة منزل: "السجن من غير تأمين وفي وش بيتنا، ومافيش حتى دبابة جيش قدام بوابته، وكل يوم مجرمين داخلة وخارجة وأهاليهم في زيارتهم، المفروض إنه يبقى بعيد عن المناطق السكنية".
ويقول الحاج فتحي سعيد: "ده المنظر قدام البوابة يعني المفروض بعد اللى حصل ده نلاقي على الأقل مدرعتين ودبابتين واقفين حراسة، مش كده يعني، إحنا قاعدين مرعوبين، ودي ثالث مرة تحصل، الأولى في الثورة ومرة من سنتين وأهو الثالثة بقى المفروض تبقي تابتة عيب والله يطلعوا علينا الحرامية والسفاحين والمجرمين، وعايزين البلد تتعدل طيب إزاي".
