السيسي: «عارف الظروف صعبة بس ماكانش فيه خيار تاني».. فيديو

قال الرئيس عبد الفتاح السيسي: "أنا عارف وأرجو إن كلامي يصل لكل الناس.. فعلا دلوقتي الظروف صعبة، والأسعار غالية، وده كان كل جهدنا.. عاوز أوصلكم حاجة.. احنا إتأخرنا كتير أوي في الإصلاح لذلك اضطرينا".

وأضاف "السيسي"، خلال كلمته باحتفالية الأوقاف اليوم، الخميس، بالمولد النبوي الشريف: "كان قدامنا دلوقت إننا نعبر ترعة صغيرة صعبة بس ننجح أو نستنى أو نعبر بحر لا يمكن هننجح.. إحنا اخترنا دلوقتي لأن برده الأمانة تقتضي".

وتابع: "كان الخيار قدامي نبدأ دلوقتي ولا أأجلها لغيري.. طب لو أجلتها لغيري ولا قدر الله راحت.. قدام ربنا هبقى مسئول وأنا كنت عارف إنها لو اتسابت كده هتضيع.. عشان ما تتقالش إنها ضاعت معايا.. ماكانش فيه خيار تاني غير اللي بنعمله دلوقتي".

يحضر الاحتفالية المهندس شريف إسماعيل، رئيس مجلس الوزراء، والدكتور أحمد الطيب، شيخ الأزهر الشريف، والدكتور علي عبد العال، رئيس مجلس النواب، والدكتور شوقي علام، مفتي الجمهورية، والدكتور محمد مختار جمعة، وزير الأوقاف، ورئيس المجلس الأعلى للشئون الإسلامية، والوزراء وبعض المحافظين وسفراء الدول الإسلامية والعربية بالقاهرة وكبار رجال الدولة والأزهر والأوقاف وبعض أعضاء مجلس النواب.