EN 
شكا صيادو بحيرة المنزلة بالدقهلية من سطوة عصابات الإجرام والمتعدين عليها ، حيث يتم منع الصيادين من مزاولة عملهم بالقوة وسط تهديدات تصل الى القتل أحيانا.
وتعد بحيرة المنزلة من أكبر البحيرات الطبيعية بمصر، حيث تمثل مصدر رزق للعديد من الصيادين، إضافة إلى أنها تطل على أربع محافظات "الدقهلية، بورسعيد، دمياط، الشرقية" ورغم أنها تمتاز بثروتها السمكية والتى يشهد لها الجميع، فإنها أصبحت مأوى للإجرام والمتعدين عليها حيث محرم عليهم الاقتراب منها أو الصيد فيها وكأنهم لاجئون وليسوا مواطنين يسترزقون ويسعون للرزق.
"صدى البلد" التقى بعدد من الصيادين ليرووا معاناتهم ، يقول احمد عزيز -صياد- :"إحنا متحرم علينا ننزل نصطاد فى البحيرة وبنتعرض للاعتداء والموت لو فكرنا نصطاد في البحيرة ، احنا ناس على أدنا والصيد حرفتنا ومصدر رزقنا، نعمل ايه مع الناس اللى محرمينها علينا".
أما محمود السيد فيقول انا عندى ولدين معلمهم الصيد وده مصدر رزقهم بنسافر ونصطاد فى اماكن بعيدة عن البحيرة وبنتعرض للاخطار علشان نعيش نفسى يبقى فيه اهتمام من الدولة".
أما موسى السعيد فيقول بنناشد الرئيس السيسى انه يطهرها عشان المطرية فيها غلابة والصيادون غلابة والبحيرة اللى بتصرف علينا، ونطالب بتخصيص شركة تتولى مسئوليتها الدولة، فالدولة تصرف ملايين الجنيهات دون جديد".
واضاف رجب أحمد: "أنا بشتغل من صغرى، زمان غير دلوقتى، والتعدى عليها، الصياد دلوقت يسيب بلده وولاده واسرته عشان يجيب لقمة عيش، البحيرة معدومة ولا عارفين نعيش والسلاح والفساد والبلطجة والعصابات سيطروا عليها.
فى حين يقول نسيم بدر الدين، نقيب الصيادين الاسبق، "المشكلة اصبحت مزمنة ونفسى الرئيس السيسي يتدخل وتتدخل فى حلها القوات المسلحة وهى الحل عشان الصياد يعيش فى امان ويبقى مطمن من غير خوف او قلق ياريس طهر البحيرة عشان الغلابة دول".
