نهى أباظة تكتب: كافيه لاتيه 2017

حبيبتى واقفه فى البلكونه ,,,,وانا قاعد جارها على الشيزلون
قالتلى تشرب ايه ياحبيبى ,,,, قولتلها اشرب شاى بلمون
قالتلى لع ,,خليك روش ,,,وخليك بيه ,,لازم تشرب كافيه لاتيه
قولتلها ,,هاه ,,بتقولى ايه ,,كافيه لاتيه ,,,نهارك اسود ,,مين ده اللى دلك عليه
قالتلى ,,,لا ماتظلمنيش ياابو درويش ,,,انا دوقتها عند ام عليش
هى برضه ,ام عليش ,,ورايا ,,ورايا ,,ام عليش ,,مش هى برضه اللى دلتك على البيتزا والاكلير والكليش
الست دى ماتعرفهاش تانى ,,,وفى بيتنا تانى ملهاش عيش
قالتلى ليه ,,,طب بس ليه؟
قولتلها من غير ليه ؟الناس دول حراميه ومانتيش خبرا لاد ايه؟
بيكلوا يوماتى ,,بانيه وفيليه,, طب جابوا الوكل ده كله منين ؟
تقومى تقوليلى ,,,اقلدهم ,,واشرب كافيه لاتيه ؟
طب عيالى ,,لو شافونى ,,,يفضحونى ,,,حيقولوا ايه ؟
حيقلدونى ....حينسوا اصلهم ويسيبونى
بكرة يقوليلى عايزين نفطر باتيه ,,ولا نفسهم هفاهم على المنيه
ونصيبه سودا ,,لوقالولى عايزين نحلى بنسكافيه
واللى كان بيقعد جارى على القهوة ,,,يقولى ياابه ودينى كافيه
ويروحوا يشربوا معسل وشيشه ,,,,,ويلبسوا هدوم سينيه
ومين ياعالم مش يمكن انتى بذاتك تعيشى عليا ,,,,وتعملى بنت عمده وبيه ؟,,, وكل مااقولك حاجه تقولى لأ وليه ؟
وابنك يوماتى يسهر فى كباريه ,,,,والفلوس تجرى فى ايديه ,,,,
ويعرف واحده تضحك عليه ,,,ويبيع الفدان اللى حيلتنا لجل مايفتحلها مسرح,,,,ترقصله عربى وافرنجى ويمكن باليه
كل ده عشان كافيه لاتيه ,,,,يغور فى داهيه الكافيه لاتيه
حيضيع بيتى وعيالى ,,,ومرتى وجيرانى ,,ويضحك الناس عليا ,,,وماسواش جنيه
واسمعيها منى كلمه
جوزك بيه ومن غير لاتيه ,,,وكل الناس عرفينو ,,ويوم مايكبر ,,ويبقى بريمو,,,ماحيشربش غير الكابتشينو