الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

نهى أباظة تكتب شبر ميه

صدى البلد


صحتني من عز نومي ...على حلم فاكره جميل
قلتلى قوم بص من البلكونه ...شوف مية زى النيل
طليت من البلكونه ..فاكر نفسي فى الجونه ..
وشوفت ساعتها العجب
شوفت مية متعكره ..ووش غريب بيقولى ارجع ورا
مية الغسيل اللى فوق عم قنديل ..حتغرقلك السرير
جريت على السرير ..عشان الحق اغطيه
لقيتهم شالوا السرير...ومكانه شوية حصير
وقالولى ريح شويه واشرب شويه عصير ...لحد مانشتريلك او نشحتلك سرير
والعصير لا ليه طعم ولا لون
علبه بالالوان مدارية ...شويه ميه بسكر منتهيه الصلاحيه...وماعجبتنيش
قولت عايز اكل جعان ...ولا كمان مفيش
واللى كنت فاكره حوض مية بسيط ..طلع بير غويط
بير ملوش اخر .حطولى فيه الاكل..قالولى انزل بس بلاش عك
نزلت فى البير ..قابلت ناس كتير..
لا فيه نفس ولا هوا ...واللى بيتعور ملهوش دوا
ماعجبنيش الحال ..قولت والله لطالع ؟..مش عايز اكل منهم .ولو حعيش صايع
قدمت طلب لجل مااطلع من البير ..بس اتاخرت كتير,
قالولى فوق لا فيه بيت.ولا ميه ولا رز ولا مكرونه,,...,وكمان شالوا البلكونه
نزلت تانى البير ..ومش بمزاجى.المره دي كنت اسير
اتارى الحكايه كانت شويه ميه..اتركنت في بير
الحلم فيها طلع كابوس ..وانا اللى كنت فاكر نفسى كبرت ..طلعت لسه واد مفعوص
بيغرق في شبر مية