EN 
انتقد الإعلامي أحمد موسى الإشارات البذيئة، التي قام بها المحامي الحقوقي خالد علي، خلال التظاهرات التي أعقبت حكم الإدارية العليا، والتي قضت بمصرية جزيرتي تيران وصنافير.
ووجه "موسى"، خلال برنامجه "على مسئوليتي" المذاع على فضائية "صدى البلد" مساء أمس، اللوم لـ"خالد على" على تصديره مثل هذه الإشارات إلى الرأي العام، قائلا: "عيب أوي اللي عمله خالد علي.. لا يليق، بتعمله لمين وبتوجه رسالة لمين"، مُضيفًا: "الصوابع دي لمين ياخالد مش عيب برده ولا ايه الحكاية هي وصلت لكده، هي الأخلاقيات وصلت لكده .. ده اللي انتو بتوصلوه للرأي العام".
وأضاف "الإعلامي"، منتقدا "خالد علي"، قائلا:"لمين ياخالد قولي لو دكر قول لمين ده قلة الأدب دي لمين.. هي دي الأخلاقيات اللي بتتكلموا عليها.. هو أنت يعني حررت سيناء.. بتوجهها لمين ياخالد".
وتابع: "الناس بتستغل الأمور ازاي الناس وصلت لفين.. خالد علي واللي معاه بيطالبوا بمحاكمة الرئيس.. لولا هذا الرجل كنت مستخبين تحت السراير ونايمين تحتها لما كانوا الارهابيين هيجيبوكوا من رقابيكم انتو وأهاليكم كلكم واستنجدتوا بالراجل.
جاي انهارده تتكلم عن الرئيس والجيش ومؤسسات البلد مين انتوا فين شجاعتكم، الخاين هو اللي بيبع البلد زي ما انتو بعتوا البلد وبياخد تمويل من بره زي ما انتوا عملتوا واللي لحد انهارده بيتطاول على جيشه.. الرئيس هو اللي حمى مصر ومش محتاج حد أبدا، ولو كان عاوز يبيع كان باع لما كان وزير دفاع جيشنا اللي بيضحي يطلع شوية خونه انهارده عاوزه تحاكم كل الناس.
انتوا مين".
واستطرد: " الموضوع إتاخد في أمر آخر ليس له علاقة أبدا بتيران وصنافير ولا حكم، ولكن له علاقة بمحاولة مرة ثانية لإسقاط النظام والدولة".
