نهى أباظة تكتب : ابو المتاريس مرشح يبقى رئيس

-ابو المتاريس بيحلم من زمان , يبقى رئيس اى حاجه والسلام , حتى لو حيشتغل فى السودان
والسودان بالنسباله بلد الاعيان ..
طبعا الاعيان
-عشان كده هو حس انه باشا وابهه , وطلعت فى دماغه يحكم البلد كلها
واللى ماتعرفوش ان
ابو المتاريس مابيحبش الصوت العالى ولا الغباوة...وبيمشيها شويه بالحنية وشويه بالهداوة
ايوه الهداوة,,
ابو المتاريس طيب وعلي نياته ...وبدل مايحكمها بصوته ..حيسمعنا سكاته
سكاته مع قلبه كبير .بيحل مشاكل كتير .. في ثانيه يولعها بالميا بدل البنزين
وانسي البنزين ..
انت الاكل حتشوفه في الحلم ...والضحك في الفيلم ..والجاي غايب وملوش علم..
يعني لا حيبقي لبس ولا غله .......والشكوى لغير الله معاه مذله
-والمفاجأه الكبيرة
-ابو المتاريس مش حيعمل لاوزارة ولا حكومه ,وحيلغى مجلس الشعب ,ومجلس الشورى
والشورى ماتش كبير ,,,وانت فيها الكوره
- والعرض الخاص فى حكم ابو المتاريس, الشعب كله حيهيص
-شقق اسكان للشباب الغلبانين ,على حدود مصر وليبيا وفلسطين
-وعشان مفيش شغل عندنا , حيشغل الشباب فى البلاد اللى جنبنا ,وحيشغل كل البنات فى احسن الشغلانات
-قصور وعربيات ومولات , مش حيدخلها غير ولاد ال ’’’’,, ذوات
-ولسه
ابو المتاريس خطاباته كلها مش تهييس ...اكيد فيها تأسيس
-مش كده وبس ولأول مرة فى التاريخ
ابو المتاريس حيعمل مترو انفاق من امريكا لحد بولاق..
ايوه بولاق .. صدق وماتقولش بلاش.. .ده الكلام معاه ببلاش
-وبنوعدك مش حتزهق من ابو المتاريس ..
-عشان حيحكم البلد من فيلته فى باريس...
- مع ابو المتاريس ,,, هو ده الرئيس