الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

نهى أباظة تكتب: جابت جاز

صدى البلد

أوعى العيشة فى بلدك تزهقك من ناسها ...أو تخليك تنسى اللى عملك زى المسقعة وهرسها
..مش بس هرسها ...عيشتك فطيرة واتعجنت...ضحكوا عليك وقالوا اتمدنت..
وحتى لو اتخنقت وبالك مابقاش طويل ...فكر فى صحتك ياكبير..
..اوعي ضغطك يعلا عشان الفلوس اللي نسيت شكلها...ولا اللحمة اللى نسيت أكلها
أوعى سكرك يعلا عشان مش لاقي فراخ وجبنات وعصير....ده حتى الحلو بيجيب أمراض كتير..
وخد بالك يجيلك أزمة قلبية ..بسبب الأقساط الشهرية..
كله عادى..الصحة برضه غالية..
ألغى الفسح ..والعزومات ..وافصل مع اللى يقولك هات..
كفايه بقي مجاملات ومشاعر وشعارات كدابه.. خلاص كلنا بقينا غلابه...
ولسه لما حسابك في البنك حيخلص ويسيبك.. أزمة الربو حتجيلك..
حتحس إنك مضايق ومخنوق ..حتى في بيتك بقيت مزنوق..
وبيتك فكرتني ببيتك
...اقفل الغاز.ومتتطبخش كتير... اقفل الميا عشان التوفير..
وعيش على لمبه واحده ..عشان الفواتير..
لو تقدر تعيش عاله على اى حد ..عيش
كده .كده حيجيلك انيميا ..والدم عندك حيبقي مفيش...
واوعى تزعل من الحاله النفسيه اللى حتجيلك ...مسيرها تروح لما اجلك يناديلك
اما عيالك.... دول فلزات اكبادك
اوعى تقصر فيهم .....احسن مدارس فيكي يا حكومه وديهم..
حكومه جديده..
وخلى شعارهم السنجه والحديده
ايوه حديده
الحديده اللى كلنا بقينا عليها ..واشتكت من عيشتنا واللى فيها ,,,
نصيحه بلاش تجيب اللوم على الناس ...ولا بيتك اللى لا حصل طوب ولا ازاز...
لان اخرها... جابت جاز
.فعلا .جابت جاز