EN 
طرح برنامج "ست الستات" المذاع عبر فضائية "صدى البلد" تقديم الإعلامية دينا رامز سؤالًا بالشارع المصرى وهو "إيه اللى أنت اتمنيته قبل الزواج ومالقتهوش لما اتجوزت؟".
وتباينت ردود أفعال المواطنين، حيث قالت مواطنة: "بصراحة الحمد لله معظم اللى اتمنيته لاقيته أنا متزوجة منذ 27 عامًا وتمنيت قبل ما اتزوج أن أشعر بالاستقرار والأمان وهذا ما وجدته بالفعل، بينما قال أحد المارة: "أنا شايف إن ربنا وفقنى فى اختيارى ومبسوط ومتزوج منذ 25 عاما كفاية حسن طباع مراتى وأخلاقها"، وقالت أخرى: "أنا شايفة إن مافيش الفجوة الكبيرة اللى بيخوفوا بيها المخطوبين يعنى الحياة بعد الزواج بتكون جميلة وطبيعية، لكن الفكرة أنه بيكون هناك مسئوليات فقط ومصاريف".
ومن جانبها علقت الإعلامية دينا رامز: "أنا بوجه رسالة للمخطوبين أنهم لازم يشاركوا بعض تفكيرهم وميولهم أيام الخطوبة على سبيل المثال هنلاقى واحد بيحب الخروجات والنزهة وخطبيته بتميل للجلوس فى المنزل يبقى لازم يكونوا قايلين لبعض قبل الزواج عشان مايحصلش مفاجأة".
