خد أما أقولك !!!!!!!‎

سبب ضغوط الحياة أو الظروف الاجتماعية أو الروتين في العلاقة أو حتي دخول أطراف ثانيه ما بينكم سواء من الأهل أو غيره للأسف أنت بترتكب أكبر كارثة وجرح نفسي "لشريكة حياتك" وبدل ما تكون أنت الأمان والسند والدهر والحماية ليها بقيت انت وبكل أسف الجلاد اللي بيعذبها ببعدك عنها وتجاهلك ليها..... بقيت الحبل اللي بيلف حوالين رقبتها ببرودك ويخنقها ويقتل أجمل ما فيها.

يا ترى عارف إيه أجمل مافيها وقتلته؟ ؟؟؟؟؟ انوثتها وإحساسها بالأمان معاك

والمصيبة الأكبر بقي انك بتعمل كل ده وأنت مش حاسس "يا آدم" لأننا وبكل بساطة بقي عندنا خلط في المفاهيم بقينا نقول علي التجاهل والبرود ده ثقه ما بينا.... وبقينا نقول علي الحب والغيرة ده شك ، بس خليني فالسطور البسيطة ده أفوقك وأوعيك لأنك في غالب الأحيان وانت مش حاسس ومع دوامة الحياة والمتغيرات المجتمعية اللي احنا عايشين فيها ده أنت بتضيع بيتك ومراتك وولادك كمان.

"وبتسمح وبكل سهولة للذئاب تأكل من لحمك ولحمها وبتحاوط حياتك كلها بالبوابات الملكيه للشيطان ....... بلاش تشوف في نظره عيونها "الندم ".... بلاش تحس في نبرة صوتها "ضيعتني
وتذكر ياعزيزي " الرجل " قول الرسول صلى الله عليه وسلم (رفقا بالقوارير)
لكن تعالي معايا كده وخليني ااااااقولك ازاي تبقي حياتها وسندها وضلها :
فالبدايه لازم نتفق مع بعض أن طريقه تفكير حواء في الأمور تختلف عنك ياأدم وفي الغالب أن مع وجود بعض الخلآفات مابينكم سواء في المعيشه أو الطباع أو حتي في الاهتمامات دة بيخلق جو من الملل والروتين في العيشه وطبعا برده انت ليك طاقه وعندك مشاعر لكن لو انت فكرت تدرس سلوك مراتك صح أو تتعامل معاها بنفس طريقه التعامل في الضغوط مع العمل هتلاقي الموضوع سهل وفي غايه المرونة وده هشرحهولك في الخطوات الجايه

1- لازم تكون علي دراية بسلوك مراتك النفسي من خلال كلامها ونظراتها وحتي قناعتها وارائها وأهم حاجه تحديدا هي شايفاك بالنسبه ليها ايه؟؟؟ لأن المعيار دة تحديدا هو اللي بيخليك تكتشف التغير فيها سواء بالسلب أو الإيجاب
2- لازم تعرف كويس أن معايير تقيم للأمور عندك تختلف عن حواء تماما فمهما كانت قوة شخصيه زوجتك إلا عليك أن تعلم أنها دوما تحب أن تشعر بأنها ابنتك المدللة وأحيانا شريكتك في كل شئ وأحيانًا أخري تشعر أنها أمك والمسئوله الوحيده عنك لذلك عليك أن تلعب معها ادورا متعددة كالأب والأبن والحبيب والعاشق ولكن لكل شخصيه وقتها المناسب
3- حاول انك تهتم بها من خلال أدق وابسط التفاصيل التي تسعدها واللي بتكتشفها من خلال عشرتك معاها وتعزز دايما جانب التقدير لوجودها في حياتك وتفكرها بإستمرار انك عانيت عشان تكون معاك وفحياتك
4- خليك دايما مشارك في تفاصيل حياتها زي علاقتها بأهلها أو أصدقائها أو حتي لبسها
5- خلي دايما بينكم حوار مشترك وهادي ولو عندك اي مشاكل بتواجهك اشركها فيها وحاول بقدر الإمكان توصلها لمستوي تفكيرك
6 - لازم يتوافر بينكم الصراحة وتشجعها علي دة باستمرار حتي ولو في حاله المشاكل أو الخلاف سواء مابينكم أو بسبب أمور أخري
7- لازم يتوفر بينكم الثقه ولكن في حدود الشرع والأعراف وان يتوفر بينكم الغيرة المعقولة وليس الشك
8- حافظ علي أسرار بيتك من الخروج لأي أطراف خارجية وطبعا مع الحفاظ للجوء للأهل في حاله النصح أو الإرشاد
9- عليك أن تعزز دورها كأم وسند وصاحبه القرار من بعدك سواء في البيت او مع الأبناء من خلال زرع وتعزيز المسئوليه النفسيه فيها
10- عليك أنت ياعزيزي الرجل أن تعي وتتقبل تغير حياتك من شاب الي زوج ورجل مسئول عن أسرة ومحاولتك المستمرة للموازنه مابين حياتك السابقة وحياتك الحاليه

وفي النهاية عليك أن تعلم انك قائد العلاقه ما بينكم، ولكن اجعلها بالمودة والرحمة والتفاهم وليس بالعصبية أو التجاهل.

وعليك أن تدرك جيدا " يا آدم " أنه مهما كانت قوة شخصية"حواء" فإنها ضعيفة أمامك ولكن لأنها " تحبك " فعليك أن تتذكر هذه الكلمة جيدا وتحاول الحفاظ عليها وعلى بيتك.