نهى أباظة تكتب : الحلو أصله اشتغالة

الاسم جبنه فى بقاله ...والصنف .هدوم فى باله ...والنعمه كشرى وكماله....والحلو اصله اشتغالة
ايوه اشتغالة .الكدبه فيها تاخد حلاوة.
اشتغالة ..اللى تقوله فيها كلمه الحق تبقى عدوه و تصيبه حاله..
اشتغالة بس على كبير..
قيمتك فيها متعلمه زى كرافته على قميص ..او تذكر درجه تانيه على باب اتوبيس
والاتوبيس نقل عام ..دنيا تانيه. الناس فيه بوشين ..اللى تشوفه النهارده بوش ..تشوفه بكره بأتنين..
البجاحه فيه بالكيلو ,,,واللى بيغلط بندعيلو
اتوبيس مش غالى ..بس انت فيه رخيص ..كبيرك كلمه حلوة تحس انك عريس..
مش حيكون نفسك فى حاجه اشتغالة ...كل حاجه ملك ليك اشتغالة..
مفيش حاجه اسمها استحاله ..اشتغالة
الاستحاله موجوده فى كل حاجه فيها استحاله ..
يعنى مثلا تاخد حقك .طلع اشتغالة...احسن شغل تشتغله بالخبره و بالشهاده كان اشتغالة..
مستغرب ليه ؟؟ يعنى انت ماتعرفش ان ..العلاوه اشتغالة ..الشغل نفسه اشتغالة..تدفع اكتر ..عشان تعيش احسن ..اشتغالة
الاستقرار ..الامان ..الهوا ..الدخان..اشتغالة
.العلاج بالمصاريف...والاكل النضيف ....اشتغالة
.حتى الكلمه ..
كلمه حلوة او حتى وحشه من واحد قلبه مش عليك تبقى اشتغالة..
ماتضايقش نفسك وتفتكرها حاله ..
اطلب بسبوسه بالقشده ودوق الحلاوه ..بس لو قلك دى بالسمنه البلدى ..اوعى تصدقه ..عشان السمنه البلدى اصلا ...اشتغالة
..حتى دى نستها .... الحلو اصله اشتغالة