إيمان مرزوق تكتب: المرايا
وش واحد للمرايا .. و لا هي بألف وش
ناس كتير واضحة و بيضا و ناس كتير عايشة في غش
يوم مع الأبيض تلاقي و يوم مع الأسود تعيش
بس هو ازاي يا سيدنا عندك الخجل مفيش
رب واحد هيحاسبنا .. هتقول له إيه و عذرك ده هش
*****
فوق بقي و انسي المصالح .. و لمشاعرك استحث
ارفض النفاق و أهله .. كن مرايتك انت بس
ارض ربك .. صون ضميرك .. احمي قلبك م الدنس
بكرا هنكون كلنا ذكري طايرة في السما ..
يا تكون لنا .. يا تكون علينا .. بإختيارنا الحر بس
*****
ابدأ بنفسك و انصلح و كفاية إن الكون سمح
بالتوبة و الغفران وعد .. رب العباد .. من عاد .. وجد
اوعي التردد و العناد و خاف في يوم تلق الميعاد
و كن مع الحق المبين .. يهديك سعادة و بحور عتاد