شاهد.. رسالة قوية من أسماء ناصر للرئيس السيسي

وجهت الشابة أسماء ناصر من محافظة البحيرة، إحدى المشاركات بالبرنامج التطوعى تكافل وكرامة، حديثها للرئيس السيسى طالبة منه إطلاق مبادرتين لحماية شباب الوطن من الجماعات الإرهابية والتطرف.

وقالت ناصر خلال حديثها بفعاليات اليوم الثانى لمؤتمر الشباب، " أنا نفسي أستغل وقفتى هنا وأوجه رسالة للرئيس، الحرب مش بس على الحدود الحرب قدامنا هنا ووصلت كل شاب وكل فتاة أن يبقى عندهم إحباط، وللأسف كنت أتمنى من وزير التربية والتعليم خلال عرضه خطة 2030 أنه سيغير منظومة التعليم بحيث أن تكون مادة التربية الدينية خارج التعليم".

وأضافت: "أتمنى أن ندشن مبادرة لتعريف الطفل يعنى ايه وطن ويعنى ايه دين، لأن الطفل بيذاكر الحاجة اللى هيجيب فيها مجموع وتبقى مضافة ليه، مؤكدة أن "الجيل الصغير لازم يتعلم الوطنية".

وتابعت: "الإرهاب اللى بيحصل بيتوجه للدين الإسلامى ودايما حد يمسك حاجة من السنة والقرآن بياخد منه حاجات معينة ومن خلالها بيبدأ يترجمها على حسب تفكيره، والجماعات الإرهابية ماكانوش بيتكلموا فى الدين بس بيطبطوا على الأطفال لحد ما ياخدوهم فى صفهم، مضيفة "عايزين الأزهر الشريف يتناول السنة ويشرحها بشكل مفصل".