الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

صرخة أب الدقهلية: "خطفوا ابنى".. ومتصل: "ابنك اتاخدت كليته"

صدى البلد

بدموع أب مكلوم فقد ابنه الذى كان كل شئ لديه كان لا يطمئن الا وابنه بجواره وفى يوم حزين ذهب الابن ليقضى طلبا لابيه واستقل "توك توك "واختفى من وقتها حتى الان مرت ايام وراء ايام ولا يعرف مصير ابنه.

يتحدث محمود السيد والد الطفل المفقود "عبد الله "11 عاما "قائلا"انا بشتغل نجار وساكن بشارع الروضة الشريفه بطلخا وكان عبد الله بيساعدنى ولما اطلب منه حاجة بيقضيها وكان احن أولادى الثلاثه وكنت لا أنام إلا بعد الاطمئنان عليه، وفى يوم قلت ليه "يا عبد الله فى حساب لحد روح وديه ليه واديته مصروف 15 جنيه معاه ركب "توك توك "ومن ساعتها مرجعش ولا اعرف عنه حاجة ورحت عملت محضر فى مركز طلخا ومفيش اى جديد".

واستطرد قائلا "نزلت صورته على النت يمكن حد يدلنى عليه وفى يوم لقيت تليفون من القاهرة بيقولى ابنك فى مستشفى هنا بس من غير كلية لقيناه مرمى جمب محطة القطر ولما رحت المستشفى ملقتش حد ورحت اسأل عليه محدش دلنى رحت الاقسام ولفيت ومفيش فايدة نفسى اوصل لابنى نفسى اطمن عليه وطلبت الرقم اللى قالى ان ابنى اتاخدت كليته قلت ليهم لو عايزين فلوس وتوصلولى ابنى هتصرف قالوا احنا شفنا الصورة والاسعاف اخدته للمستشفى لانه كان تعبان ولما رحت ما لاقيتوش.