الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

العاملون بالمطار يدشنون حملة لأصدقائهم لمنع التوصيات بموسم الحج

صدى البلد

دشن المئات من العاملين بمختلف قطاعات وشركات مطار القاهرة الأيام الماضية، حملة على مواقع التواصل الإجتماعى ــ الفيس بوك ــ لإصدقائهم وأقاربهم لمنع التوصيات خلال موسم الحج وإحراجهم مع المسئولين.

جاءت الحملة لمنع التوصيات والتى تبدأ من الحصول على تخفيضات على تذاكر الطيران أو تأخير الطائرة لتأخر الراكب عن الوصول فى موعده أو دخول المودعين والمستقبلين إلى الصالة أو الوزن الزائد أو غيرها من الطلبات التى تزيد فى مواسم الصيف والاجازات والحج والعمرة وحظيت الحملة بتجاوب كبير من العاملين فى المطار والذين يعانون من كثرة طلبات الأصدقاء والأقارب والزملاء خلال المواسم السابقة ..

وكان أبرز ماجاء فى الحملة التى تحمل العنوان التالى " بوست مهم لأصدقائى اللى أهلهم مسافرين، ومن غير ما حد يزعل..." وجاء فيها " أنا مش شغال فى مصر للطيران ولا فى أى شركة طيران عشان أشوف الأسعار كام أو أجيب تخفيض أو أفاضل بين العروض .. أقسم بالله ما أعرف أفتح الطيارة بعد ما تقفل، ولا أعرف أأخرها عن الإقلاع عشان صلاح سالم كان زحمة، ولا هينفع أدخل 580 من قرايبك الصالة عشان يودعوا الحاجة، ويبوسوها (هما كده كده هيسيبوها قدام الصاله أو براها)، و( هما جايين ليه أصلا وراها).

وجاء فى الحملة : " أنا مش هينفع كل يوم وكل ثانية وكل دقيقة أنزل الصالات عشان أخلص الحاجة من الوزن الزيادة اللى هو بيكون عبارة عن فول أخضر ورز أبيض و"مش" وبط متجمد بينزل مياه وصابون وصابون غسيل عشان دى ببساطة طيارة بتطير في الجو مش أتوبيس شرق الدلتا حاول لو ليك حد عليه أحكام أو عنده مشاكل ميجيش يودع الحاجة في المطار ويكتفي بالوداع في البيت وهى كده كده هتدعيله .. حاول إن أسطول العربيات اللي جاى ورا الحاجة تكون رخصها سارية، وياريت محدش يشغل السرينة في المطار ، ولو عملت غلط واتقبض عليك فأبوس إيدك بلاش من جملة (إنت مش عارف أنا مين) عشان إحنا بنبوس وبنحضن كتير جدا عشان نحل أزمتك وبيكون منظرنا وحش ".