رغم بلوغها 65 عاما تعمل ماسحة أحذية "الحاجة رضا" : "عيالي ظلموني".. فيديو

عرضت الإعلامية إيمان الحصري، تقريرا تليفزيونيا حول سيدة تُدعى "الحاجة رضا"، تبلغ من العمر 65 عامًا ومازالت تعمل ماسحة أحذية، حيث قالت "عمري معدش فيه حاجة، عيالي ظلموني وسبوني وعايشين مرتاحين وأنا اللي هنا مظلومة، بقوم الصبح أجيب صندوق بتاع الاحذية وأروح أمسح للناس، ممكن أطلع بـ 20 أو 30 جنيها".

وأضافت "رضا"، خلال تصريحاتها لبرنامج "مساء DMC”، مع الإعلامية إيمان الحصري، على قناة "DMC”، أنه لا تجد أي شخص يقف بجانها، مضيفة : "عيالي ظلموني بعد ما شقيت عليهم، أنا عاوزة كرسي متحرك مش بقدر أتحرك، ونفسي أجهز بنتين، واحدة بنتي وواحدة بنت بنتي".

وتابعت : "كل ما عريس يجيلها يمشي عشان احنا فقراء، أنا مش عندي تمليك واخدة شقة إيجار بـ 300 جنيه وبدفع مياه وكهرباء".