ﻣﻮﻗﻊ ﺻﺪﻱ اﻟﺒﻠﺪ

صدى البلد
الإشراف العام
إلهام أبو الفتح
رئيس التحرير
أحمــد صبـري
مدير التحرير
صفاء نوار

نهى أباظة تكتب: ماسورة بس مكسورة

الخميس 12/أكتوبر/2017 - 10:40 ص
ماسورة بس مكسورة... اسمك فيها صورة.. قيمتك فيها كورة.. واللي تسندك عورة.. ما تفرقش عنك كتير..
ماسورة تتخبط فيها يمين وشمال.. أولها سباك يسلك.. وآخرها شيال..
مش شيال واحد.. لا 100 شيال.. يحط فيك ويشيل.. والحرام فيك حلال..
وولاد الحلال في الماسورة كتير.. بس ولاد الحرام أكتر..
تتكلم تتشطر.. تشتكي تتبطر.. بالحلو تتسكر.. تغلط في وشك تتسنكر..
آه تتسنكر بالضبة والمفتاح.. ومادام النية مش صافية.. محدش هيرتاح..
تاخد جنب تبقي يهودي.. تتحشر تبقى فلاح..
ولا الناس عاجبهم حالك..و لا انت مرتاح..
والماسورة طولها زي عرضها.. وسقفها ماحصلش أرضها.. في الحلو تلم الناس على بعضها.. وفي الزعل يقوم حربها..
يطلعوا منها يزعلوا.. يرجعوا يسبوا ويلعنوا..
بس أهو ماسورة والسلام.. تعرف مستقبلك فيها من الريحة مش من الكلام.. تدخل فيها الأول.. تطلع الأخير.. تدخل صغير.. عمرك ما تطلع كبير..
ولو كانوا من الأول فكروا في الصورة.. ماكانش ده بقى حالهم في الماسورة..
صحيح الميا والكهربا مش مفصولة والحالة مستورة
.. بس يا ترى
مين هيصلح الماسورة؟؟؟؟
ماسورة بس مكسورة..
ads

تعليقات فيسبوك

تعليقات صدى البلد

ﺗﺼﻮﻳﺖ

هل تؤيد مشاركة الحضري في تشكيل المنتخب أمام السعودية ؟

هل تؤيد مشاركة الحضري في تشكيل المنتخب أمام السعودية ؟