EN 
لحمتها كندوز مشفية.. تحطها على النار مستوية... ريحتها مابتتغيرش زى ما هى.. والطعم مفيش منه اتنين
وعشان مفيش منه اتنين.. لحمتها يا ما شاء الله بتغزى أجدع عين
لحمتها مش عجول.. لحمتها من العقول.. ايوه عقول
والعقل مش جزار.. العقل عجل واحتار.. مش عارف يلاقيها منين
كل ما يفك نفسه.. ميعرفش يطلع فين
يطلع من وسط العجول.. ولا يفضل جوه بطرطور.. ولا يستنى الطابور
لحد ما يجى دوره.. وأهو جه خلاص دوره.. فرحان زى العجول
مستني ياكل ويلبس.. يخرج يروح المول.. يتكلم ينطق يقول.. انا مش زى باقي العجول
وأول ما يتشاف.. بيتركن على جنب.... الكل منه بيخاف.. مع انه ملوش ذنب..أصله بيفكر كتير
والعجول منه بتغير.. ويوم ما يبقاله جناح.. يخلوه عصفورة تطير
وعشان الدماغ سادة.. فيه ناس عايشاها بزيادة.. وبلدنا ولادة.. بس تقول ايه.. اهو كله رزقها
صحيح الرزق متقسم.. بس النفوس بتنفسن.. واللسان بيلسن.. حتى اللي منك بيأسفن على الناس كلها
وناسها زى صوابعك.. مش زى بعضها.. الحلو والوحش فيها كله على بعضها
فيه ناس عشان تنضف.. عايزه ميه مغليه.. وناس عشان تتلمع.. عايزة طاسة قلية
وناس تنكر خيرك.. من جواها مصدية.. وأهه كلها ناس
ناس ودماغ ناس عايشه جوه كوز.. بتقلد بعضها ولا أجدع أراجوز
تغير من الشاب.. وتحسد العجوز.. وتتمنى تبقى زيك.. حتى لو كنت ملبوس
ما تستغربش.. أصل اللي في ايدك دايما بيحلي في عين الناس كلها.. والدماغ برضه على أدها
نصيحة ماتسيبش لحمها.. وتستنى جلدها.. المجمد عمره ما كان منها.. خليك مع البلدى.. حتبقي أدها
لحمتها كندوز.. ودماغها × كوز
