الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

وليد العطار يكتب: فلنحاسب أنفسنا أولا

صدى البلد

قبل ما نقول إن حاكم مصر لازم ياخد إجراء ضد أمريكا من أجل القدس واننا اللى ضيعناها لازم نراجع التاريخ قبل جلد الذات ...

١) فلسطين ضاعت ببيع الفلسطينيين لها بالفلوس ..
٢) قادة الفلسطينيين بيتم قتلهم بخيانات منهم ( على سبيل المثال ياسر عرفات .. الشيخ احمد ياسين و غيرهم كتير )
٣) القدس فيها مقدسات إسلامية و كمان مقدسات مسيحية
٤) في ٢٢ دولة عربية و في اكتر من ٣٠ دولة اسلامية
٥) المصريين إللى ماتوا علشان القضية الفلسطينية اكتر من الفلسطينيين انفسهم
٦) حروب مصر كلها كانت من أجل فلسطين ٤٨ ، ٥٦ و بالتالى ٦٧ و ٧٣
٧) مفاوضات كامب ديفيد كان فيها بند أساسي بعودة القدس مع سيناء و لكن الفلسطينيين رفضوا الحضور
- كل إللى فات ده علشان اقول لك بلدك و قادتها عملوا ايه علشانهم و لوحدنا دون اى مساندة .. حتى ان العرب كانوا بيقولوا وقتها ( سنقاتل حتى اخر جندى مصرى ) و طبعا ده ما يرضيش حد ..
- رد الجميل كان بتصدير مقاتليهم و المرتزقة من رفح لقتل الجيش المصرى بداعى فتح القدس و ده انهك جيشنا إللى بقاله ٦ سنوات بيحارب فيهم
- علشان ندخل اى حرب لازم نحسب اننا هنحارب لوحدنا لان الجيوش العربية اتدمرت.
- علشان نحارب لازم نعرف اننا هنحارب أمريكا و حلفائها.
- علشان نحارب لازم يكون اقتصادنا يتحمل الاعتماد على نفسنا في الاكل و الشرب و السلاح لشهور طويلة دون إمدادات.

- يبقي إللى معاه السلطة علشان ياخد قرار حرب أمريكا و حلفائها لازم يبقي وراه شعب منتج بيأكل نفسه بنفسه بيشتغل علشان اقتصاده يقوى و بيثق في قياداته و في قراراتها إللى بتحافظ على مستقبلنا و حياتنا و ما بيرميش البلد في سكة مش محسوبة ... احنا لازم نقويه علشان يعرف يقف قصادهم و ظهره مسنود بينا مش بنقطع فيه و احنا مش حاسبين و لا عارفين الظروف إللى حوالينا ...
التهور مش من سمة القادة .. الحكمة هى سمتهم ...

ولو كنا فاكرين ان ايران او كوريا بيخافوا منهم فأنت واهم .. دول بيشغلوهم لهدم بلادنا علشان يمهدوا للوصول للحلم من النيل إلى الفرات .. وشوف ايران عاملة ايه في العراق و اليمن ولبنان والبحرين والسعودية كمان .. علشان نعرف انهم شغالين عند اليهود لهدم الدول العربية لتحقيق أهدافهم و لما تنتهى مهمتهم هيدمروهم في أيام ...

ده مش معناه انى ضد حرب إسرائيل.. لكن اختيار التوقيت مهم ..