الرئيس السيسي ينهي جدل استيراد الغاز من إسرائيل: الحكومة ليست طرفا وليس لدينا ما نداريه.. ومصر ستكون مركزا إقليميا للطاقة في المنطقة العربية.. فيديو

وحول استيراد الغاز قال : "بفضل الله جابنا جون يا مصريين، مصر وضعت رجلها لكي تكون مركزا إقليميا للطاقة في المنطقة العربية، اطمئنوا يا مصريين إحنا جاهزين لنكون أكبر مركز إقليمي للطاقة فى منطقة الشرق الأوسط".

وأوضح الرئيس:"مصر عشان تبقى مركز إقليمي للطاقة في المنطقة، في 3 خيارات، إن التسهيلات دي تقام في الدول التي تمت فيها اكتشافات الغاز في قبرص أو لبنان أو إسرائيل أو مصر، طيب ازاي مصر تبقى مركز إقليمي، احنا عندنا تسهيلات ومنشآت مش موجودة في دول كتير في منطقة المتوسط أو على الأقل الدول اللي بنتكلم عليها دلوقتي، وبالتالي الغاز المكتشف في قبرص وإسرائيل ولبنان وغيره، يا إما يطلع عن طريق تركيا يا إما يطلع عن طريق الدول المنتجة بنفسها يا إما عن طريق مصر، مصر فيها قانون ينظم تجارة الغاز في مصر، يسمح للقطاع الخاص باستيراد الغاز عشان يبقى السوق حر في تداول الطاقة".

وأشار إلى أن بعض شركات القطاع الخاص عقدت صفقات لاستيراد الغاز من إسرائيل والتي أثارت حالة من الجدل في الشارع المصري.

وقال الرئيس السيسي:" حصل نقاش كبير قوي على موضوع الغاز، وأنا بصراحة سعيد جدا بالنقطة دي على عكس ما يتصوره الكثيرون، لأن يهمني جدا إن المصريين يكونوا متابعين وحريصين على فلوس بلدهم".

وتابع الرئيس في كلمته خلال افتتاح عدد من مراكز خدمة المستثمرين: "احنا اهتمامنا ده أننا نجمع الموقف بشكل متكامل، وعلى فكرة الحكومة مش طرف فيه، الموضوع بتاع استيراد الغاز من إسرائيل ده القطاع الخاص اللى عمله، لكن احنا كحكومة نتصدى، احنا معندناش حاجه نداريها أو نخبيها ونتكلم زي ما أنا بتكلم بوضوح كده".

وأكد الرئيس السيسي:"يا مصريين لازم تعرفوا إن منتجاتنا اللي نستهلكها كمشتقات سواء كان غاز أو بنزين تقريبا 1.3 مليار في الشهر، يعني 11 أو 13 مليار جنيه في السنة، ده حجم منتجات الطاقة سواء غاز أو مشتقات بترول نستهلكها في السنة، لو النهارده بنشتري بمليار ونصف دولار غاز من إسرائيل ده معناه 125 مليون دولار شهريا، ده لازم نحطه قدام فاتورة الاستهلاك بتاعتنا في مصر".

وأوضح الرئيس:"مصر عشان تبقى مركز إقليمي للطاقة في المنطقة، في 3 خيارات، إن التسهيلات دي تقام في الدول التي تمت فيها اكتشافات الغاز في قبرص أو لبنان أو إسرائيل أو مصر، طيب إزاي مصر تبقى مركز إقليمي، احنا عندنا تسهيلات ومنشآت مش موجودة في دول كتير في منطقة المتوسط أو على الأقل الدول اللي بنتكلم عليها دلوقتي، وبالتالي الغاز المكتشف في قبرص وإسرائيل ولبنان وغيره، يا إما يطلع عن طريق تركيا يا إما يطلع عن طريق الدول المنتجة بنفسها يا إما عن طريق مصر، مصر فيها قانون ينظم تجارة الغاز في مصر، يسمح للقطاع الخاص باستيراد الغاز عشان يبقى السوق حر في تداول الطاقة".

قال الرئيس عبد الفتاح السيسي، تعليقا على استيراد شركات القطاع الغاز من إسرائيل، إنه لو لم تقم الشركات الخاصة بشرائه كان المصريين يعترضوا، قائلا "كنت هتقولوا الدنيا راحت مننا، لا الدنيا مرحتش مننا انت متعرفش شركات القطاع الخاص اللي اشترت دي، هو فيه حد بيخسر في القطاع الخاص، ده هما اشتروا الغاز من إسرائيل بشطارة أكتر من الدولة".

وأضاف خلال كلمته في افتتاح مراكز للمستثمرين، اليوم الأربعاء، أن اهتمام المصريين بقضية الغاز محل تقدير واعتزاز، قائلا "خلوا بالكم من بلدكم واحرصوا عليها وحطوا أيديكم في كل حاجة، دي بلدكم مش بلد حد تاني، ومش هتقوم غير بيكم".