«10 رسائل من الرئيس السيسي للمصريين اليوم».. مصر جابت «جول» في ملف الغاز.. القطاع الخاص اشترى الغاز من إسرائيل بشطارة أكثر من الدولة.. وجاهزين لنكون أكبر مركز إقليمي للطاقة

الرئيس السيسي للمصريين:
-سعيد بنقاش المصريين حول الغاز على عكس ما يتوقعه الكثيرون
-يهمني جدا إن المصريين يكونوا متابعين وحريصين على فلوس بلدهم
-خلو بالكوا على بلدكو واحرصوا عليها
-القطاع الخاص اشترى الغاز بشطاره أكتر من الحكومة
-الحكومة ليست طرفا في استيراد الغاز الإسرائيلي
- لن نسمح لأحد بتجاوز القانون
-أثق فيكم .. وجهدكم سيصب في مصلحة البلد
-احنا جاهزين لنكون أكبر مركز إقليمي للطاقة في الشرق الأوسط
-عندنا تسهيلات ومنشآت مش موجودة في دول كتير في منطقة المتوسط
-مصر فيها قانون ينظم تجارة الغاز يسمح للقطاع الخاص باستيراده

وجه الرئيس عبد الفتاح السيسي، عدة رسائل للشعب المصري خلال افتتاحه اليوم لعدد من مراكز خدمة المستثمرين، وانتهز الرئيس الفرصة للتعليق وتوضيح الصورة بعد إعلان بعض شركات القطاع الخاص عن عقد صفقات لاستيراد الغاز من إسرائيل التي أثارت حالة من الجدل في الشارع المصري.

وقال الرئيس السيسي :" حصل نقاش كبير قوي على موضوع الغاز، وأنا بصراحة سعيد جدا بالنقطة دي على عكس ما يتصوره الكثيرون، لأن يهمني جدا إن المصريين يكونوا متابعين وحريصين على فلوس بلدهم".

وتابع الرئيس في كلمته خلال افتتاح عدد من مراكز خدمة المستثمرين، :"احنا اهتمامنا ده اننا نجمع الموقف بشكل متكامل، وعلى فكره الحكومة مش طرف فيه، الموضوع بتاع استيراد الغاز من إسرائيل ده القطاع الخاص اللى عمله، لكن احنا كحكومة، احنا معندناش حاجه نداريها أو نخبيها ونتكلم زي ما انا بتكلم بوضوح كده".

وأكد الرئيس السيسي:"يا مصريين لازم تعرفوا إن منتجاتنا اللي نستهلكها كمشتقات سواء كان غاز أو بنزين تقريبا 1.3 مليار في الشهر، يعني 11 أو 13 مليار جنيه في السنة، ده حجم منتجات الطاقة سواء غاز أو مشتقات بترول نستهلكها في السنة، لو النهارده بنشتري بمليار ونصف دولار غاز من اسرائيل ده معناه 125 مليون دولار شهريا، ده لازم نحطه قدام فاتورة الاستهلاك بتاعتنا في مصر".

وتابع الرئيس قائلا: "مصر عشان تبقى مركز إقليمي للطاقة في المنطقة، في 3 خيارات، إن التسهيلات دي تقام في الدول التي تمت فيها اكتشافات الغاز زي قبرص أو لبنان أو إسرائيل أو مصر، طيب ازاي مصر تبقى مركز إقليمي، احنا عندنا تسهيلات ومنشآت مش موجودة في دول كتير في منطقة المتوسط أو على الأقل الدول اللي بنتكلم عليها دلوقتي، وبالتالي الغاز المكتشف في قبرص وإسرائيل ولبنان وغيره، يا إما يطلع عن طريق تركيا يا إما يطلع عن طريق الدول المنتجة بنفسها يا إما عن طريق مصر، ومصر فيها قانون ينظم تجارة الغاز، يسمح للقطاع الخاص استيراد الغاز عشان يبقى السوق حر في تداول الطاقة".

واستطرد الرئيس السيسي قائلا: "فيما يتعلق بقضية الغاز بفضل الله جبنا جون يا مصريين، مصر وضعت رجلها لكي تكون مركزا إقليميا للطاقة في المنطقة العربية، اطمئنوا يا مصريين احنا جاهزين لنكون أكبر مركز إقليمي للطاقة في منطقة الشرق الأوسط".

وأكد الرئيس أنه لو لم تقم الشركات الخاصة بشراء الغاز كان المصريين يعترضوا، قائلا "كنت هتقولوا الدنيا راحت مننا، لا الدنيا مرحتش مننا انت متعرفش شركات القطاع الخاص اللي اشترت دي، هو فيه حد بيخسر في القطاع الخاص، ده هما اشتروا الغاز من اسرائيل بشطارة أكتر من الدولة".