EN 
علّق الإعلامي عمرو أديب، على قرار محكمة القضاء الإداري بقبول الدعوى المقامة من علاء محمد وآخرين، والمطالبة بإيقاف نشاط شركتي "أوبر" و"كريم" ومثيلاتها لتشغيل السيارات، مع وقف تطبيقات الأبلكيشن أو البرامج التي يستخدمونها وإحالتها للمفوضين.
وقال "أديب" في برنامجه "كل يوم" المذاع على قناة "أون إي": "لما ربنا يكرمنا بحاجة كويسة تريحنا وتريح عيالنا في البلد، ليه ننكد على نفسنا، ونرجع إلى بهدلة التاكسي الأبيض من تاكسي متهالك ومغالاة في الأجرة، ولا يذهبون إلى جميع الأماكن التي يريدها المواطنون".
وتابع قائلاً: "كنا بنكون مطمنين على ولادنا وبناتنا ونقدر نتصل بسواق أوبر أو كريم عشان نعرف هما فين، ليه العالم بيتقدم وإحنا اللي بنتأخر، دول كانوا رحمة لينا ومظهر حضاري للدولة، وكانوا فاتحين بيوت كتيرة، ومشوفناش منهم حاجة وحشة، وكانوا ناس محترمة".
وأكمل: "لمصلحة مين قرار القضاء الإداري بوقف نشاط شركتي أوبر وكريم، ولازم القانون يتعدل".
وأردف قائلاً: "عايزينا ننزل الشارع لتاكسي يتشرط عليا ويقبل المشوار أو يرفضه وأكون تحت رحمته، ويعلي الكاسيت ويقول لي مفيش تكييف، ويركب معايا أربعة، ليه هترجعونا للذل تاني؟".
