الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

نهى أباظة تكتب : مش مقامك

صدى البلد

مش مقامك ...ولا ده اوانك... ولا اي كلمة من كلامك تبقي مقامك ..
مش مقامك بدلة ...ولا ماركة في حزام ...ولا انك تقعد ورا ..والسواق قدام ..
ولا تغطي علي غيرك في الكلام ..بس عشان تبان ..مش مقامك ..
مش مقامك تعيش مع ناس ماتساويش ..عشان بيلبسوا غالي ..
ولا تمجد في ناس ماتختشيش.. عشان يخلوك ف العالي..ولا تقلب ناس علي بعضها ..وفي الاخر تقول وانا مالي...مش مقامك
مش مقامك تخليهم بهوات ..عشان بيتكلموا لغات ...
او تذلهم وتكسر عينهم ..عشان الفقر طايلهم ..
ولا مقامك تاخد ركن عشان تبعد العين ...ولا تشتكي بالفقر ..عشان يزيد الخير..
ولا تستني الصبح بعد الليل ..عشان بس تعرف اخبار غيرك ..مش مقامك
مش مقامك تسايس قليل الاصل عشان مصلحتك ...ولا تزق غيرك ..عشان راحتك...
ولا تعيب في اللي حظه مش سالك ..ولاتبص لرزق جاله ..ولا جالك
ولا مقامك تعيش الدور ..عل اللي ملوش مكان .
.ولا تشعلل النار ..وتزود الدخان ..ولا تردم عل اللي كان وكان ..مش مقامك
مش مقامك عشان تتمنظر ..تعمل منظر ..ولا تلين لناس اصلها حديد بيجنزر..
ولا يبقي ليك صوت علي ناس ملهاش لسان ..ولا تيجي علي اللي سيرته راحت من زمان ..مش مقامك
وفي الاخر ..لا الكلام مقامك ..ولا الزمن اوانك ..بس انت اللي اخترت مقام ..
ماكنش مقامك..