ميدو: لازم نحترم كوبر وجهازه الفني وإلا نبقى جاحدين

أشاد أحمد حسام ميدو، نجم الزمالك السابق، بمدرب المنتخب هيكتور كوبر وجهازه الفني، على أدائهم المشرف خلال الفترة الأخيرة، مطالبًا الجماهير المصرية باحترام كوبر على ما قدمه للمنتخب خلال مشواره.

وغرد ميدو عبر حسابه الرسمي علي تويتر قائلا: "أهم حاجة لازمً نحترم كوبر وجهازه ولازم ماننساش الإنجاز اللي عملوه مينفعش نبقى جاحدين!! الناس دي استلمت المنتخب مابيوصلش كاس أمم بقاله ٣ مرات ووصلونا نهائي كأس الأمم ووصلونا كأس عالم يبقى ماينفعش ننسالهم كل ده!! الناس دي محترمة أخلصت في كل يوم ودقيقه في عملهم!!!!".

وأضاف في تغريدة أخرى قائلا: "‏دلوقتي مصر كلها داقت لذة وحلاوة التواجد في كاس العالم ولازم كلنا نفكر ازاي نعمل كل حاجه علشان نبقى موجودين في كاس العالم اللي جاي وإزاي لما نبقى موجودين مانظهرش بالمستوى ده ونكون شكلنا احسن ونعمل نتايج أفضل!!".

يذكر ان المنتخب المصري هزم امام روسيا بثلاثية مقابل هدف في ثاني خسارة له في مواجهات المنتخب بمونديال روسيا.