نورهان البطريق تكتب: حب أخوات

كان يفضل يكلم معها بالساعات
وكل تفصيلة في يومه يقول
عنها قصص وحكايات
وفي آخر المكالمة يقول ما احنا
زي اتنين اخوات

تضحك بصوت عالي وتأكد علي الكلام
تقفل وتبكي تخبط دماغها
في الحيط عشرات المرات
تصرخ وتقول عديم الإحساس
استحالة يكون ده انسان
علي طول بعيد ومتحلي بالعناد
وفي والتعالي والكبرياء تقدر
تقول عليه كمان أستاذ

هاصبر عليه شوية كمان يمكن يفتح
ويزيل عن عينه غشاوة العميان
وبعد كده ميلومنيش على النسيان
هابنى بينى وبينه حديد وأسوار
هفأجه لما أعامله كاتنين أغراب
ومش بعيد العلاقة تسوء
ويتبدل الحال ونصبح كالأعداء

أيام ولا أيام وفجأة البنوتة اختفت
مخدش باله في الأول وقال هتبان
ولما طال الغياب حس بالتوهان
قرر يكلمها لقي تليفونها مقفول
ومع تكرار الاتصال اتعود علي سماع
مغلق أو غير متاح

قرر يشوف آخر ظهور لها علي الفيس
اتخض واضطرب واقعد يفرك في عينه
معقولة! !!!!!!!!
حالة الاجتماعية :مخطوبة
وصور لناس بتبارك و فرحانة
وتعليقات بتقول أنها عروسة
اللي ميعرفهاش يشوفها من برة
يقول ليلتها اللي بتتمناها ومبسوطة
بس ملامحها حزينة و مكسورة
قلبه انخلع من مكانه وانشل تفكيره
وعلي خده جريت دموعه
والدم اتجمد في عروقه
مش قادر يتحرك ولا عارف
يحس بالوقت والزمن

وبعد شوية استوعب المصيبة
قام يجري سمع صوت بيقوله
فااااااااااااااااااااااااات الميعاد
رجع خطوتين لورا لقي نفسه
قدام مرايته من غير ذواق
رد بعصبية وقال كداب
كل ده خداع و أوهام
سمع صوت ضحكة
بين السخرية والانتقام
انت اللي عايش في الضلال
و لسه عايز تكمل في الأحلام

سبيها للي عرف بجد يحبها
يمكن يقدر يسعد قلبها
ويبدد حزنها وينور العتمة
اللي كانت معششة لسنين
جوه روحها و نفسها

طب و أنا اااااااااااااااااااااااااه
الصراحة أنا عليك مش قلقان
طول عمرك بتعرف تخبي اللي جواك
من يومك فنان وفي التمثيل ممتاز
وياسيدي لو جت سيرة احنا أخوات
اكتم في قلبك زي ماكانت بتعمل تمام
جرب شوية وجع ودوق طعم الآهات
قولها كنت غبي وفوقت بعد فوات الأوان
عارف انه متأخر بس حقيقي ندمان
احنا عمرنا ماكنا في يوم اتنين أخوات