EN 
عمرك متقسط تقسيط .. والاسم محوط وحويط
... العيشه يادوب ف علبة كبريت..لا تعرف ليها سقف ولا ارضيه ..قيمتك فيها لا عاليه ولا عاديه ..وحكايتك قصه مخفيه ..ملهاش آخر.
.عامل نفسك فيها حويط...خايف من العين يا عبيط ..احسن تحسد علبه كبريت.. عمرك فيها متقسط تقسيط..
صحيح الاقساط عمرها من عمرك .بس صراحه اوراقها سليمه .
.تدفعها من غير تقديمه ...اولها فكه بسيطه.. واخرها دماغك ف الحيطه..
والاقساط كانت مظبوطه:
القسط الاول كان عادي ..اصله موجود...
والتاني تحت البلاطه .طلعته ..كان وعد وموعود ..
والتالت بتفكر تلاقيه ..بس ياعيني طلبك مرفوض...
وتلم الموجود عل الموعود ..حتلاقي حياتك مبنيه عل مفيش .
.عل تقليد ومفيش اصل ..عل المتصلح واصله كسر,,
كسر وتكسير..خلاك مكسور...والقسط عليك خلاك معصور..
ولما القسط اتلم عل قسط بقوا اقساط .
.والعيشه لا عارفها بلاستيك ولا مطاط..
ولوبلاستيك حتي وماله ..لو يطوله اتحسن حاله ..
وماله وماله ماهي كلها ماشيه اقساط ..جت عل غيرك ..بكره تيجي عليك .
ما التقسيط زي العمر كله محطات ..
تيجي تتعلم.. كلمه كلمه بالتقسيط ...تيجي تشتغل ..حقك تخده بالتقسيط..حتي الميا تقطع .. تيجي تنقط نقطه نقطه بالتنقيط ...كلمه حب بالتقسيط ..مساعده صاحب بالتقسيط ..سنده من غيرك ..حقه ناشف يا بالتقسيط .ويوم ماتزعل .تزعل بالجمله .بس.تفرح بالتقسيط ..
.حتي لو نفسك جت عل حاجه ..حيقولها خدها وماله ..بس برضه كمل تقسيط..
وف اخرالعمر ...قصدي العروض النهائيه ..
العرض فيها كان حسب النيه ..ناس الحظ كان صاحبها..وناس نزل الخصم عليها 50%..والنهايه كانت ابديه...بس ماكانتش معروفه لمين ؟؟
.التقسيط فيها بالسنين ..و الفايده بني أدمين
