EN 
أثار الفنان عمرو سعد حالة من الجدل عبر حسابه على موقع التواصل الاجتماعى انستجرام؛ بعد نشره صورة من فيلمه "دكان شحاتة" الذى عُرض منذ 10 سنوات.
وقال الفنان عمرو سعد "يومها طلبت من المخرج اني اركز لوحدي تماما وهو في نفس الوقت بدأ يحضر المشهد وطلب من الجميع الهدوء .. اخدت ساعة تقريبا لغاية ما هزيت راسي اني جاهز واتحركت ناحية مكان التصوير وفجأة وانا في الطريق شوفت الدكان المقفول لقيت نفسي باتحرك زي المسحور ناحيته المخرج خالد يوسف فهم بسرعة ان في حاجة هاتحصل وقرب ناحيتي وبص بهدوء وقاللي عاوز ايه؟!".
وأضاف الفنان عمرو سعد "شاورت علي الدكان المقفول ورغم انه كان جاهز لمشهد في مكان تاني الا انه جري بسرعة وحرك كل اللوكيشن والإضاءة ناحيتي وصرخ للكاميرا تدور بسرعة وصور فعلا المشهد ده النهاردة عدي عشر سنين علي اليوم ده وطول الوقت الناس بتفكرني بالمشهد ده وكأنه خرج من ذاكرتي لذاكرتهم هما وهو ده اللي طول الوقت باتمناه وبادعي ربنا اني اعمل حاجة تعيش ويفتكرها الناس بعد ما أكون مشيت او توصل بصدق دعواتكم اني اعرف اعمل ده والمشاهد اللي تعبت فيها تكون جزء من الذاكرة مش تبقي لحظة وخلاص".
يذكر أن آخر أعمال "عمرو سعد" مسلسل بعنوان "بركة" تم عرض في رمضان 2019.
