الرئيس السيسي لـ"المواطنين": مصر اتدبحت في 67 ولم يتم إخباركم بالحقائق.. فيديو

قال الرئيس عبدالفتاح السيسي، إن الدولة المصرية "اتدبحت" سنة 67، وحركة تقدمها انتهت منذ هذه الفترة.

مُضيفا:" الدول تقوم في سنين طويلة وتضيع في سنين طويلة، ولم يتم مجابهة الرأي العام بالحقائق غالبا لأنه لن يستوعب كل شئ.. لأنه عاوز ياكل ويشرب ويشوف شغله وده حقيقي".

وأضاف "الرئيس"، خلال كلمته بمؤتمر الشباب المنعقد الآن بالاسماعيلية: "أنا أخذت مسار تاني لاني في 2011 كنت بقول جزء كبير من التحدي هو عدم وجود وعي حقيقي عشان الناس تعرف احنا ليه كده"، مُضيفًا: "أنا مش منفعل أنا عاوز أوصل ليكم الحقائق وأنا لا أدعى أن أرى الحقائق وحدي ده اللي انا شايفه".

وتابع: "على مدى الـ60 الماضية من أيام الرئيس عبدالناصر حتى الآن لم ننحج في مواكبة معدلات النمو سكاني مع الانتاج بتاعنا.. محصلش مرة اننا قدرنا نواكب معدل النمو مع الانتاج"، مُضيفًا:"حضرتك لن تشعر مهما أنا عملت والدولة عملت بالتحسن الحقيقي طالما المعدل يصل إلى 8 و9 % مهما عملنا طالما معدل النمو بيزيد لـ2.5% ".

واستطرد: "عاوزين تجابهوا مستقبلكم بجد ولا لأ عاوزين مستقبل حقيقي ولا لأ الحكاية كبيرة أوي الهدف واحد وهو تثبيت الدولة المصرية عشان ماتوقعش ماحطتش قدام عيني هدف استراتيجي أكبر من كده.. هدفي اننا منغضبش باني ازودلك فهمك بحجم المشكلة عشان تقف معايا فيها".