نجلاء عياد تكتب: بداية جديدة

فى خبر شد انتباهى وكان لازم اكتب عنه وميعديش مرور الكرام من تحت إيدى بما إنى صاحبة مبادرة بداية جديدة للمطلقات.
 
الفنان وليد فواز والفنانة مى سليم انفصلوا وأعلنوا ده، اللى استفزنى إن الفنان وليد فواز عمل مؤتمر علشان يعلن عن أسباب الطلاق، اللى هو ليه؟؟؟ محصلش نصيب خلاص سيبوا ذكرى حلوة لبعض اللى الطرف التانى يفتكرك فيها بالخير لما تيجى سيرتك.

الراجل الحقيقي بيظهر بعد الانفصال أكتر من وقت الارتباط، الراجل الحقيقي يدافع عن أى امرأة تسير بجواره، فما بالكم بمن سارت فى حياته وخياله.

أستاذ وليد فواز من الجائز والمشروع لك أن تتخلص عن دورك كفنان، لكن.. أن تتخلى عن دورك كإنسان ولا تطبق ما قاله رسولنا الكريم فى سنته "رفقا بالقوارير" بل رفقا بنا كبشر فى حياة أصبحت بلا روح بلا قلب بلا عقل
بل أى شيء، تتخلى وليس تتخلص..

عجبنى رد الفنانة ميس بتويتة: "أحسنوا الاختيار والحمد لله على كل شيء".

رسالتى ويارب توصلها؛ ابدأى بداية جديدة وكله خير وفعلا الحمد لله على كل شيء علشان كده بنادى بعد الطلاق، خلوا فى احترام مش انتقام.