الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

دنيا شحته تكتب: أصابتني متلازمة

صدى البلد

أصابتني متلازمة سكوت...
من يوم ما عرفت ان مفيش اصدق من الموت...
و انه قريب جدا لأقصي حد من الحدود...

كنت فاكره انها مجرد كلمه بتتقال...
فلان مات و فلان علي النعش اتشال...

ماكنتش اعرف انها لدرجه دي حقيقه..
و ان الروح ممكن تتسحب في اقل من دقيقه...

*فأصبتني متلازمه خوف*
بقيت بخاف اخرج حتي الحروف...
بقيت بخاف من المجتمع و الاختلاط و عدوي التحجج بالظروف...
بخاف من احساس اني اكون انا و قلبي مجرد ضيوف...

مشكلتي اني بحب بعمق و بزياده في الاحساس...
بدوس علي نفسي و بخاف علي مشاعر كل الناس...
و عادي جدا ان قلبي يداااس...

*مشكلتي هي انا... مشكلتي في نفسي انها أنا*

معلش من فضلك باقي اد ايه مني...
اعذرني اصل مش لاقي نفسي..
زعلت لما قولت انها هتحلو و طلعت قدامها كداب...
تاهت في وسط الحياه كأنها فص ملح و داب...
فلقيت نفسي فجأه في كفر دلهااااب...

*فأصابتني متلازمه اكتئاب مزمن و عجيب*
خلاني أخاف من ان يبقالي حبيب...
عجز عن تشخيصه كل طبيب...
فجربوا يبعدوا القريب... و يحطوا مكانه غريب...
لاقوا الغريب بيقرب و بيبقا زيه زي القريب...
*فترجع تاني متلازمه الاكتئاب العجيب*

فأصرخ و اقول يا رب خد قلبي انا مش اد وجع الاشتياق....
ليه بيحب كل شيء مكتوب علي نهايته الفراااق...

*فتصبني متلازمه النيكتوفيليا*
بقيت صديق الليل و المزيكا الهاديه...
بقيت صديق الوحده...
و صديق الساعات من بعد الساعه واحده...
بقيت منفصم الشخصيه فأسمي مريض شيزوفرينيا...
و بخاف جدًا من الضالمه فأتحط تحت بند مرضي الفوبيااا...

*عيان و تعبان اااه*
بس مش مجنون...
بتكلم مع نفسي كتير بس مع الناس عاقل و كلامي مضمون...

متحكم بالنسبه ما في اعصابي قدام اي حد...
و بتكلم عادي في الهزار و الجد...
بعرف اداري كم اللي جوايا من توتر و انهيار...
و اضحك عادي و اقلبها نكت و هزار...

*و ب ابتسامه بارده و تمثيل راحه البال*
*انا كويس يا افندم و كله عال*