نهي أباظة تكتب : شوكة السمك مخفية ..بس زفارته مش معدية

شوكه السمك مخفيه ..بس جايبه من الاخر.....وزفارته مش معديه.بس النوع جديد و فاخر..
فاخر بس ياعيني محتار وحاله واقع مابين حالتين... لما بيسيب واحد..يلاقي ادامه اتنين...
واتنين في اتنين في اتنين ...الشوك اصله منين.. باين ولاحتى مخفي ...اتعودنا خلاص عليه
.. ايوه بجد اتعودنا عليه...ولما يغيب شويه ..نفتكر اللي عليه دين ..
اما يرده بسرعه ..حتي لو كان فين ... او نزرعله شوكه ..والعين بقت بالعين ...
يغيب ونستدعاه...والشوك استهوناه.. اتعلمنا ازاى نجيبه..حتى لو سيبناه.. يفضل معلم فينا ...نفتكره ..و بننساه.
واهو كله في الاخر شوك
... بس كل واحد شوكته يادوب على ادها.
..والشوكة ملهاش امان.. تيجى للبعيد عنها او حتى ف اهلها...
والشوكة ف سمكه ف شبكة..
.. وشبكهم أالوان ...يلمع من بره ..تجري عل العنوان ..ومن مره واحده كمان ..تبقي زيهم..
تنصب شبك لغيرك ..
..وغيرك بينصبه ليك..والحق يبقي عليهم ..مع انه يبقي عليك...
... والكل فيها ضايع مابين شبكه وشباك.....اتلغي فيها الباب .ومفتاحه مش معاك.
..والرسمى والمكتوب فيها بقي نط من الشباك.
واهو كله في الاخر شبك..
شبك وحواراته كتيره..و ناسه مابتخلصش...راحت فيها الذمه ..نداله وقله اصل..
الحلو فيها اختفي ..والضرب عل الافا ..خلاص بقي عل المكشوف...
وزفارته كمان عل المكشوف...يتقبل فيها واحد ..يتخرج منه ألوف..
الاول كان معروف...والتاني بيقلده...والتالت كان مكسوف ..عشان التاني بيهدده..
واهو كله برضه شبك..
خدها نصيحه وعلام...
.. ولومأمن نفسك بحيتان اوقرش اوحتي سمك.
..مسيرك تدوق شوكه حتى لو ف الشبك..