EN 
نهي أباظة تكتب: الأسفنة فى علم النفسنة
الاسفنة في النفسنة ...والعلام باليوم مش بالسنه..ومهما شوفت خير..مسيرك في يوم حيصيبك البلا..
والبلا ..لومكتوب عليك ,,اكيد حينسيك الهنا .
ولما ترجع للهنا...حتعرف ان هو اصلا كان سببه النفسنه..
,ومحدش راضي باللي فيه..واهو كله مقبول وماشي..
اما بقي الاسفنه × النفسنه..
هي..اسفنه وهميه...صحيح ممكن تكون من ناس قريبه ليك...بس الاكيد ان نفسيتها مش طبيعيه ...
يعني الاسفنه جايه من النفسيه ...والنفسيه فيها اسفنه زي الميه المغليه..لا تعرف هي جت منين ولا سببها ايه؟؟
ومن هنا ارتبطت الاسفنه بعلم النفسنه..
طب عمرك سألت نفسك ..يعني ايه حد بيعمل فيا أسافين؟؟؟
اسافين ..يعني يبقي من جواك ابيض..وناس تخلي سمعتك طين ..
يعني يبقي ملكش في الطور ولا الطحين ...ويتصبلك اجدع كمين ..وماتعرفش جاي منين..
يعني ضحكه صفرا من ورا القلب..
يعني من ضهرك تبقي عضمه ينهش فيها ميت كلب..وبرضه ماتعرفش مين ؟؟
يعن نيتك تبقي حاجه ..وهما يقولوا حاجه تانيه ؟تبقي رايح تعمل خير ..تطلعلك مصيبه تانيه..
وحاجه تانيه ..وحاجه تانيه ..وانت بتتأسفن كل ثانيه ؟؟
وبرض مش عارف من مين ..وهي دي طبيعه الأسافين..
طب نيجي بقي للنفسنه ..ومااداراك ما النفسنه؟؟
والنفسنه معناها ايه؟؟ ..يعني يوم ما يجيلك حاجه حلوه يزعلوا...
يعني يوم ماتصيبك مصيبه يسألوا ..يسألوا مش عشان بيحبوك ..ده عشان يجيبوا سيرتك وسيره ابوك ..عايش او حتي مات.......
حكايتك معاهم في اللي جاي واللي فات ..والنفسنه ممكن تكون من اللبس ..والشكل ..او حتي من الكلام ..
النعمه لو بتجيلك ..ومش بتجلهم تبقي مش حلال..
.واهه كلها نفسنه
والنفسنه برضه ساعات بيكون معاها حق ..لما تكون واخد نصيبك تالت ومتلت ..وملكش حق.
.او تكون واخد حق غيرك واسطه او بالزق..
نصيحه اتعود عل الأسافين .وخليك طبيعي..مع المنفسنين..
وزي ما الإسفين فرقعه في الهوا ..النفسنه كمان ملهاش دوا..
والاسفنه × النفسنه
