دنيا شحتة تكتب : رحلة مع الطاعة

يا مهموم قولي من ايه زعلان!!؟
حد بشرك ان مالكش حظ من الفوز بالفردوس و الچنان!! ؟
و لا حسيت ان ربك منك غضبان!!
ليه مكشر و عينك مليانه حزن و شجن!!
ضيعت عمرك في المعاصي!! و لا اخدتك الفتن!!
قولي هل ضاعت منك الطاعه في وسط ايام الزمن!!
قولي مالك!! ليييه خايف كده من الكفن!!
قولي لييه مش قادر تصبر علي المحن!!
قلبك بقا اسود!! و لا عقلك جن!!
طيب ايه!! مفيش امل انه يحن!!
و ان ضميرك يفوق و علي جرس بابك يرن!!
لييه مش بترد!! ليه مش سامع لحد!!!

*لا تكون مضايق من هموم دنيوية*!!!
و نسيت كمان الاخره و انها الحياه الآبديه...
لا تكون زعلان من فلان!!
و مضايق من كلام علااان!!
اوعي يكون لعب بيك الشيطان!!

و نساك ايه اللي يستاهل الزعل...
و خلاك تيأس و تفقد الامل...
*طب ايه اخره ده كله!! و ايه العمل!!*
ايه اخره ذنوبك و يأسك وهمك اللي تقل!!!
لازم يكون لتعبك ده حل...

*هقولك علي دوا علشان ترتاح*...
اقولك علي هيشفي الجراح...
خد عندك يا افندي اولهم ...الصبر اساس الفرج و هو المفتاح....
و أنت بتجاهد نفسك متعملش ذنب ده اسمه *كفاح*..
و انت بتحمد ربنا علي اللي راااح... تأكد هترضا و هتعيش *مرتاح*..
و الحزن و الهم هتنول بعضه *الافراح*
و ساعتها هترفع *الشراع*
و تقول يا رب ايه احلي من لذه الرضي مهما هلكتني *الاوجاع*!!
هتلاقي بعد ما اشتد بيك الالم و المرض....
هيجي اللي ينسيك كل مر عيشته و يسمي يا سيدي العوض...
*هتبدأ رحله من اجمل الرحلات*...
و هي رحله الحياه بس مع رب الارض و السموات..

هتحفظ كتاب الله بقلبك و بقلبك هتأدي الفرض و السنه...
و هتحلم بمكانك مع رسولنا في الجنه...
مش هيزول البلاء لكن في وجوده برضاااك هتتهني...
هتلاقي قلبك لوحده بكل شيء بيرضى...
هتلاقي الدنيا و الحياه بالطاعه و الحمد بتحلي...

هتحس بالأنس في سجاده الصلاه...
و روحك بتطلب من ربها الرضااا..
و الساعه اللي قبل الفجر هتلاقيها بتتزين...
و ملايكه بتصحيك للقيام لجل ما تسمع آيه ربك *و هو علي هين*

و زي ما الحياه مش خاليه من الابتلاء...
فهي كمان مش خاليه من رب ملك الارض و السماء...
و خاب و خسر من ترك السؤال لله و الدعاء...

احفظ يا ابن ادم قلبك و ازرع الرضا جواه...
و جدد التوبه و الامل و الثقه في الله..
في معوقات و هموم بس بالصبر و الحمد بتعدي الحياه...
*و افتكر دايما الجنه انها بر الامان و بر النجاه*...
اطمن...