دنيا شحتة تكتب : حدوتة حياة

*حدوته حياه*
اقسملي ان الايام مش بتجري...
و ان الحياه ماضعش فيها عمري..

اقسملي اني مش عيان...
بمرض الماضي اللي كان..
بمرض التخيلات و الهلوسه و التوهان...
و الاكتئاب اللي بقا علي الوش بيبان...

اقسملي اني حد طبيعي..
لما بشرب بيتروي ريقي...

اقسملي ان مش بيتهيألي و اني بجد شايف..
و قولي اني مابقتش من الضلمه خايف...

*اقعد معايا و طبطب عليا*
بس بلاش نظره الشفقه اللي بتعكس في عنيااا...
و تكسر ميه الف حاجه فيا...

خليني ابطل ابص كتير في المرايا...
و اشوف نفسي اتنين واحد برا و واحد جوايا...

خليني ابطل اشوف الشيء اللي بيخوفني ....و هو بيطاردني
*كأنه وحش*...
و ابطل اشوف كوابيس المقابر و الجثه جوا النعش..
و ابطل كدب علي نفسي و غش..

*ثم اني*...
ثم اني يا سيدي بقيت بخاف..
و بقيت بكتب بالرصاص علشان بيتمسح و بطلت اكتب بالجاف... بقيت في عز الصيف بتغطي بلحااااف...
*لأني بخاف*...
بخاف من اني اغلط و اني اكون وحيد..
بخاف احب حد فيسبني و يبعد لبعيد....

بخاف من اللقي اللي نهايته فراق..
من حبي للمطر و القهوه و ليله في فصل الشتاء...

بخاف من الحب اللي عباره عن سم و احنا فاكرينه دوا...
من كلمه انا طايره من السعاده في الهوا...
بخاف لمااا نكون سوااا.. .
بخاف منك و مني أنااا...

ثم انك اصلا مش موجود هنااا...
و لا موجود في اي امكنه...

معادا قلبي اللي اعتبرته غصبن عني بيت...
اخدته تمليك... حتي مش ايجار جديد...

اخدته ليك لوحدك... اخدته ليك و بس...
طيب من فضلك يا أخينااا حس..
*و اهمس بشويش في ودني*..
و خلي كلامك يطمني...
و فكرني باللي فااات...
و بدفتر اجمل ذكريات..

و اعتبرني طفله صغيره بديل حصان...
و ابدأ الحكايه بكان ياما كان ..
و انهيهااا بتوته توته.. خلصت الحدوته...
*و اطفي النور و حط القلم جنب النوته*