محمد نصر يعلق على أزمة أزارو مع الكاف في نهائي دوري أبطال أفريقيا

كشف محمد نصر المخرج التليفزيوني عن رأيه في واقعة وليد أزارو نجم فريق الأهلي في مباراة الذهاب أمام الترجي التونسي بنهائي دوري أبطال أفريقيا.

وكتب محمد نصر عبر حسابه الرسمي بموقع التواصل الاجتماعي "تويتر" عدة تدوينات جاء نصها كالتالي:
أولا: "ازارو لعيب مغربى بيمثل مثلا طب واللعيبة التوانسة والجزائريين رهبان فى الملعب مثلا.. خليهم يشربوا من اللى شربناه تمثيل منهم سنين".

ثانيا: "انا مش موافق ازارو يعمل كده إذن تقوم ادارة الاهلى بعد المباراة بعقاب مالى على ازارو لسلوكه وخلصت ده قطع فانلته لا هو رماها ولا تف على زميله ولا على حكم ولا شتم مدربه ولا ضرب زمايله ف ماتش او تمرين".

ثالثا: "قناة الاهلى الرسمية عايزة تنتقده حقها لكن ده يبقى الاثنين الى فات بعد قرار الوقف ويبقى عتاب على غيابه عن الماتش".

رابعا: "ازارو كان لسه بيعاتب الكل وبيقول شوفوا ازاى التوانسة بيدافعوا عن لعبيتهم الموقوفة وجماهيرهم والإعلام كله فى ضهرهم وانتم لا".

خامسا: "المهاجم الوحيد الى عندك شايل الفريق وروحه فى الملعب ولا كأنه خارج من مدرسة الكرة فى الاهلى عكس لعيبة نايمة فى العسل لما رسميا القناة تخبط فيه دلوقتى وهو عرف خلاص وحيبتدى يخطط يمشي وحقه وفى وقت مفروض نلم الفريق ونبتدى زى الخطيب ماطلع امبارح هدى الجماهير اقوم مطفش افضل مهاجم عندى ولما معلول يسمع ده يعرف ان عليه الدور واجاى نفس الكلام والكل يخلع ولا حيعيش لك لعيب اجنبى".

"#اخيرا بقى وده سؤال تحدى بينى وبين القناة والإدارة مع بعض ولازم تردوا #هل لو الفيديوهات الى راحت لتبرئة ازارو فى الكاف جابت نتيجة وتم رفع الإيقاف عن ازارو # كان ازارو حيلعب ماتش الترجى ونتناقش فى الاخلاق والى عمله والخداع وهو ومدربه مش حيمشوا الاهلى على مزاجهم ولا اجعص جعيص زى مااتقال النهاردة بعد الماتش #ازارو مش حيلعب الماتش حتى لو تم رفع الإيقاف علشان الأخلاق والحدوتة.. # اتحداكم وعلى انتم عايزينه ان شالله اعتزل واروح اعبى شرايط لبيكا وشطة لو الإجابة ان ازارو مش حيلعب!".

يذكر أن الأهلي خسر أمام الترجي التونسي فى إياب نهائي دوري أبطال إفريقيا بثلاثية نظيفة.