EN 
يعانى عدد من أهالى عزب وقرى مركز شربين بالدقهلية من سوء حالة طريق الصبرية أبو جلال، ما تسبب فى العديد من الحوادث وجعل حياة الاهالى الذين يسيرون على الطريق فى خطر داهم.
"صدى البلد" التقى بعدد من الأهالى للحديث عن مشكلة الطريق، فقال أحمد عوف من عزبة المهندس التابعة لمركز شربين "هذا الطريق يسمى طريق الموت بسبب كثرة الحوادث المتكررة عليه وآخرها حادث الاسبوع الماضى الذي أدى الى وفاة شاب من عزبة مجاورة بعد سقوطه أمام سيارة بسبب التكسير فى الطريق".
وأضاف عوف: "كان عندنا امل إن الطريق يتصلح لما جه المقاول يشتغل ولكنه اشتغل شوية وجرف الطريق فى مسافة 2 كيلو ووقف ما ادى الى خطورة اكبر علينا ونناشد المسئولين التدخل لإنقاذنا من الموت ".
وتابع فارس محمد سائق توك توك: "إحنا مش عارفين نمشى على الطريق بسبب التكسير اللى فيه ومحدش بيسأل علينا لأن الطريق عليه ضغط ولو حد تعب بالليل هيمشى ازاى على الطريق ده حرام بجد فيه 60 عزبة وقرية على الطريق ده ياريت الحكومة تحس بينا".
وأضاف محمود السعيد أحد أهالى عزبة المهندس "الطريق اللى بيمشي عليه بنى آدمين مش حيوانات وحرام انه يبقى بالشكل ده وياريت المسئولين يحسوا بينا ويرحمونا ويلاقوا حل لطريق الموت ده نفسنا نشوف المقاول وهو شغال علشان نمشى على الطريق بأمان ومنخفش من الموت".
