الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

ثروت سلامة يكتب: عشان الكل بيبنيها

صدى البلد


عشان الكل بيبنيها

وحالف إنه يخليها

أم الدنيا وأد الدنيا

ونار بتحرق أعاديها

عشان الكل بيبنيها

ده ليل ونهار بيعمرها

ومن الارهاب بيطهرها

معاه نكمل مشوارها

باذن ربى اللى حاميها

عشان الكل بيبنيها

بجيشها والشرطة أسودنا

ما حد يتعدى حدودنا

بارواحنا هانفدى بلدنا

يا نعيش فيها يا نموت ليها

عشان الكل بيبنيها

زعيمنا مننا من جيشنا

بكرامة فيها معيشنا

هايفيد ايه لو حوشنا

لو لسه حاميها حراميها

عشان الكل بيبنيها

فكر فى بلدك من فضلك

والله خيرها بيوصل لك

بس اشتغل واتقى ربك

راحة بالك راح تلاقيها

عشان الكل بيبنيها

بقلبك قبل عقلك حبها

هاتهون مشاكلك كلها

لو ضلله فوق أرضها

بالدنيا وكل اللى عليها

عشان الكل بيبنيها

الكل عليها بيحسدنا

ام الدنيا الغالية بلدنا

دى ورثنا من اجدادنا

لولادنا لازم نراعيها

عشان الكل بيبنيها

للكل فاتحة دراعينها

وجنة لكل اللى حابينها

ونار على اللى كارهينها

يارب احفظها وعليها

عشان الكل بيبنيها