ﻣﻮﻗﻊ ﺻﺪﻱ اﻟﺒﻠﺪ

صدى البلد
الإشراف العام
إلهام أبو الفتح
رئيس التحرير
أحمــد صبـري

نهى أباظة تكتب: كشاف..ولا حدش شاف

الجمعة 08/فبراير/2019 - 10:10 ص
صدى البلد

كشاف بينور ويطفي بس بيخاف ... كشاف بيبان متخبي بس متشاف .. متلمع متأنتك من بره ..ومن جوه عايز اسعاف ..كشاف بينور ويطفي..
كشاف بينور ويطفي بس مش راضي....في طريق لا ليه اول ولا اخر
....شحنه بقي فاضي..
متكسر.. متلزق ...متجمع ببلاستر.. بس مديون ...
كشاف بينور ويطفي والاسم ف بطاقه ومختوم ...كشاف مشحون....
كشاف بضربه عل راسه ينور...يطفوه بضربتين ....ولا عارف يجيب حقه ..ولا يخده من مين و منين..
كشاف بينور ويطفي...
كشاف بيدور عل نصيبه...لقي اسمه عل جنب في ورقه عرف عيبه ..
عرف عيبه لما لقاه ف اخر الصف...معدنه طيب بس رخيص ...يتشال عل الرف...صحيح كشاف بس
لا ليه في اقتصاد ولا تاريخ ,,,ولايفهم في صنع سلاح ولا صواريخ .. ...
ولا ليه في قرارات ...ولا نفسه يروح مهرجانات ...ولا ياكل اكله حلوه ببهارات 
عشان يعمل فيها ابن ذوات ..كشاف بينور ويطفي..
كشاف لا يعرف يعني ايه اجتماعات .ولا خد بالعافيه من غيرك وبعدين هات..
..ولا كلام من غيره بساعات .
.لو سمعه .يلاقيه....كلام سابق عصره.....مش فاهم ايه الموضوع من اصله؟؟؟؟
كشاف بينور ويطفي..
كشاف لا يفهم مترو ولا كباري ....... مين باع فيها ومين شاري..
ولا عايز يعرف مين فيها بني قصور...ومين وقع غيره ..ومين كشف المستور؟؟..
ولا مين اتوصي عليه ..وجاب راسه مكان رجليه..
.كشاف بينور ويطفي.
كشاف مش عايز يعرف .ازاي اخدت مكانه شمعه ...
صحيح ...مات من جواه ....ومن بره ولا نزل دمعه..
كشاف .عايز يعرف بس يعيش.... .ياكل لقمه عيش فيها......نوره ينور ولا يطفيش...
كشاف بينور ويطفي