EN 
وجهت الفنانة الشابة منة بدر تيسير، رسالة جديدة إلى والدها الراحل، مهندس الديكور بدر تيسير، وذلك عبر حسابها على "فيسبوك".
وكتبت منة رسالتها تعليقًا على صورة جمعتها بوالدها: عارف انا حاسه بايه، اني تايهة حد ضربني علي دماغي، بقيت سلبيه، متنحه، بتعامل مع كل الامور على انك هترجع تاني وتفوَّقني من اللي انا فيه، وتقولي ارجعي زي الاول يا منه يا عبيطه، انتي انا، مش عارفه اعيش من غيرك مهما يكون جمبي ناس بتحبني ومعايا، انا عايزاك ترجعلي تاني ولو لحظه واحدة، وحشتني، ووحشني كلامك وحنينك، روحك الحلوه، انا واقفه مكاني مش عرافه اتحرك ولا اتصرف ولا اعيش، مفيش حاجه بتبسطني".
وتابعت: "ربنا يرحمك هتفضل جوه قلبي ومعايا في كل لحظة، خليك معايا في كل وقت تقولي كل حاجه، يارب افضل اخليك فخور بيا حتي وانت مش وجود، وهفضل احاول معملش حاجه تزعلك مني، بحبك، يارب تبقه حاسس بيَّا دلوقت؛ زي ما انا حاسه بيك، وحشتني قوي".
وآخر أعمال بدر تيسير- الذي رحل عن عالمنا يوم 28 أكتوبر 2018- كان مسلسل "كيكا على العالي"، ومن أشهر المسلسلات التي صمم ديكورها "مشرفة.. رجل من هذا الزمان"، "قصة الأمس"، "العندليب.. حكاية شعب"، "أحلام عادية"، "ملك روحي"، "أين قلبي"، "يوميات ونيس"، و"الوتد".
