موقف محرج لـ نشوى مصطفى في أول رحلة لها إلى أمريكا.. فيديو

قالت الفنانة نشوى مصطفى، إنها سافرت إلى أمريكا، وهي لا تجيد تحدث اللغة الإنجليزية.

وأضافت "نشوى"، خلال استضافتها ببرنامج "قهوة أشرف"، المُذاع عبر فضائية "الحياة"،: «كنت بصور إعلان في أمريكا، ومكنش فيه معايا مترجم، وقالولي متخافيش هيكون فيه حد مستنيكي في المطار معاه لافتة عليها اسمك، روحي للشخص دا وما تتمكلميش».

وأشارت: «نزلت في مطار كندي، وفضلت أدور علي الشخص اللي ماسك اللافتة اللي عليها اسمي، وكل الناس مشيت وأنا واقفة في مكان مش لاقيه حد وماكنتش عارفة أشرح لحد أنا فين ورايحه فين، وعيطت مفيش حد عبرني».

وأضافت: «كان فيه واحد عربي معدي، وقف اتكلم معايا، وحكيت له، بعد ما شاف الباسبور، كان هيضربني، علشان الشخص اللي كان واقف باللافتة كان عليها اسم جدي مش اسمي».