فايزة تستغيث: السرطان ينهش جسدي وعندي أطفال عايزة أعيش عشانهم

استغاثت فايزة التى تبلغ من العمر، ٢٩ عاما، بوزيرة الصحة الدكتورة هالة زايد ، لعلاجها من مرض السرطان .

وقالت فى رسالتها من خلال شكاوى صدى البلد : أنا ليا ٣ سنين بتعالج، عندى سرطان فى الغدة الليمفاوية على الرئتين، تم تشخيصى فى المعهد القومى بالقاهرة، أخذت كيماوى جرعتين هناك، وبعد كده حولت علاجى على سوهاج علشان المصاريف؛ لأنى بعت كل اللى عندى بسبب المصاريف هناك، كنت مقيمة فى فندق ومواصلات ومفيش فلوس ، وحالتى بتدهور، وبقاوم عشان عندى ولاد عايزة أعيش عشانهم، لكن بدأت أفقد السيطرة لأن الألم الجسمانى أكبر من قدرتى على التحمل.
وأضافت كان العلاج جايب نتيجة كويسة، بعد كدا حصل حمل وتم تغيير العلاج هنا فى معهد أورام سوهاج، وبعد ما أخذت العلاج نفس النظام أخذت كام جرعة وعملت تحليل لقيت النسبة فى زيادة، بعد كدا أخذت كيماوى وتم حجزى فى المستشفى لمدة عشرة أيام، كل جرعة بخمسة أيام، وبعد كدا عملت التحليل تانى لقيت النسبة فى زيادة، واللى قالهولى إن العلاج مكلف وبيوصل إلى ٥٠ ألف جنيه، خاصة وأنا لا أعمل وليس لدى أى مصدر رزق أستطيع منه توفير العلاج على نفقتى.
وناشدت من يرغب فى المساعدة التواصل على رقم 01068447572 .
ويقدم موقع "صدى البلد" الإخباري، خدمة لاستقبال شكاوى القراء والعمل على حلها مع المسئولين من خلال الخط الساخن 5731 و01025555056 أو من خلال رقم الواتس آب 01006735360