الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

نهى أباظة تكتب: نص العمر مسروق ....والعيشة بيض مسلوق

صدى البلد


نص العمر مسروق ..ابتدي ف شارع ..وانتهي ف سوق ..الكل فيه بياع ...سكران ومش بيفوق...ومهما يكون شبعان.... بيموت من الجوع ...نص العمر مسروق..
نص العمر مسروق في عيشه تقصرالعمر..مابين عيشه فيها رضا ...وعيشه حالها ما يسر..وعيشه تفضل تدورفيها عل الحلو .....ونصيبك كله مر,,,ايوه مر.
مر مش حلو .. في مشوار عل الفاضي...ف اول خطوه تمشيها عل دماغهم ..ومش راضي....بس كنت مجبور...تتعلم الاصول ...اللي ماعرفتش اصلها غير من ناس دون...نص العمر مسروق..
نص العمر مسروق مع ناس تعلمك الأذي وتحب الأذية.....وناس جنب الحيط ساكته و مدارية.....وناس عايزه تعيش ...وناس تجر الشكل عل مفيش ..وناس تدعيلك يخليك ..ومن جواها ليك نار ماتكفيش..نص العمر مسروق..
..نص العمر مسروق مابين كلمه توديك وكلمه تجيبك .... وناس تجرك في سكتها ومره واحده تسيبك..عشان بس تقع وماتحصلهاش..
مسروق مع ناس ..حتي لو كنت متربي...تعلمك الادب ......وناس تحبك ..تخنقك ..تجبلك أتب ..ويوم ماتكتبلك ..تكتب عليك اللي عمره ما انكتب .نص العمر مسروق..
.نص العمر مسروق بين الفرح والهموم ..والمنظره باللبس وبالاكل والهدوم ..والصيت ولا الغنا....ولويوم قلت بأصلها تبقي علينا و مش مننا ..
ولا الهم دايم ..ولا الفرح بيدوم...
...والعيشه يوم حلو ..ويوم مش بيروق....ولما بتيجي تدوق ...تلاقيها بيض مسلوق..ايوه مسلوق..مسلوق واتسلقت معاه ..بتغلي مع الايام ..وتستوي اوام ..والملح والفلفل ..كانوا طعم الكلام..
نص العمر مسروق .والمشي فيها .ياريتك ما اتعلمته ...لما فهمته صح ..بالعكس كملته ..نص العمر مسروق