EN 
قال الإعلامي أسامة كمال، إن وزارة التعليم قامت بوضع ما حدث في 25 أبريل في المناهج، معقبًا: «كم مدرس من حصص انهارده شرح ما حدث في 25 أبريل، بعد ما يكون قرأ كلمتين عن الموضوع فيكون عارف».
وأضاف "كمال"، خلال تقديمه برنامج "مساء دي إم سي"، المُذاع عبر فضائية "دي إم سي"،: «ولي الأمر حكى لأولاده عن الذي حدث في 25 إبريل وهما صغيرين»، متابعا: «مفيش حد يستغرب أما يلاقي أولاده بيرددوا الكلام اللي كاتبينه اليهود وبريطانيا العظمي، وهو أن إسرائيل هي التي انتصرت على مصر في حرب أكتوبر».
وأشار: «طول ما الذاكرة مفيش فيها غير الأهلي كسب الزمالك كام مرة، والزمالك كسب الأهلي كام مرة طبيعي إننا نكون قدام شعب كل همه ماتش برشلونة وريال مدريد»، موضحا: «وإحنا صغيرين كنا بنتابع حسن شحاته والخطيب، وبنقعد نسمع خطب الرؤساء وندافع عن بلدنا حتي لو بالكلام».
وأردف: «معلوماتنا كانت من الجرائد وقناتين تليفزيون، مش من كل مصادر المعلومات اللي في إيد أصغر طفل وأكبر جد النهارده»، لافتًا: «أنا آسف ولوموا أنفسكم ما تلوموش الإعلام، ماتلوموش عيالكم»، مؤكدًا: «كا أب عياله ميعرفوش حاجه عمّا حدث في 25 أبريل فهو مُقصّر»، مضيفًا: «الناس كلها مشغولة بأكل العيش، بس زمان مفيش حد نسي يزرع في ولاده مصادر الفخر بتاعتها».
