مها أحمد تروي موقف مثير مع السحر والشعوذة

كشفت الفنانة مها أحمد، عن أنها تنتمى لبرج السرطان، ومن صفاته العصبية الشديدة.

وروت الفنانة مها أحمد، خلال لقاءها ببرنامج "السرداب" عبر قناة المحور، مع الإعلامية رشا الخطيب، حكاية لها تتعلق بالسحر والشعوذة، وقالت: "جات علينا فترة ومكنش فيه شغل وكنت متضايقة جدا وعاوزه أشتغل وقلت لواحدة صاحبتى إنه مفيش شغل وحكيت لها همى وقالتلى بصى أنا هنصحك نصيحة.. هديكى ورقة داخل فيها آيات قرآنية وحاجات غريبة شوية تخليها عندك، على الرغم إن أنا مش بعترف بالحاجات دى بس صاحبتى كانت حد موثوق منه".

وأضافت: "قرأت الورقة وكانت فيها كلام غريب، ولقيت الدنيا عماله تقفل أكتر وأكتر، ومجدى جوزى بيخاف من الحاجات دى ولما قلتله قالى هاتيها بسرعة واحريقها ورحت أحرقها على البوتوجاز، الورق بقى لونه فضى وحاجة زى الرماد كده، وفى نفس اليوم ده كان مجدى نازل وأنا كنت رايحه مشوار، وفى نفس اليوم العربية وقفت بيا وولعت والناس طفوها، وفى نفس التوقيت مراية العربية بتاعة مجدى اتكسرت بشكل غريب".

واستكملت: "اتفقنا أنا ومجدى نتقابل فى البيت، وبعد كده كان عندنا فرح مدير إنتاج ورحنا الفرح بنفس العربية بتاعتى، وركنا العربية جنب العربيات اللى مركونة قدام القاعة، ولما خلص الفرح لقينا الـ4 فرد نايمة وفيهم كلهم مسامير، والموقف كان غريب جدا الصراحة".